الماتى قالالىق ەكٸمدٸگٸ كوروناۆيرۋس ينفەكتسيياسىنا بايلانىستى ەپيدەميولوگييالىق احۋال تۋرالى اقپارات تاراتتى, دەپ حابارلايدى "ۇلت اقپارات".
قۇزىرلى ورگانداردىڭ حابارلاۋىنشا, قازٸر الماتىدا ينفەكتسييا جۇقتىرعان 29 ادام انىقتالدى.
«پاتسيەنتتەردٸڭ بارلىعى جۇقپالى اۋرۋلار اۋرۋحاناسىندا جاتىر. جاعدايى قاناعاتتانارلىق, دەنە قىزۋى جوق. ەكەۋٸنٸڭ جاعدايى - ورتاشا. بٸراق ناشارلاۋ بەلگٸلەرٸ جوق. الماتىداعى پروۆيزورلىق ەمحانالاردا 672 ادام قارالىپ جاتىر, 598 ادام كارانتينگە وقشاۋلانعان. ٷي كارانتينٸندە 1549 ادام جاتىر», - دەدٸ ەكٸمدٸكتەن.
الماتىدا 15 اۋرۋ وشاعى انىقتالعان.
الاتاۋ اۋدانىندا - 2 وشاق: «زاريا ۆوستوكا» شاعىن ايدانى, سارى-وي كٶشەسٸ, 234; «اككەنت» شاعىن اۋدانى, 7.
المالى اۋدانىندا - 4 وشاق: جەلتوقسان, 125; بايتۇرسىنوۆ, 78/1; جاروكوۆ, 16; جاروكوۆ, 7.
مەدەۋ اۋدانىندا - 3 وشاق: زەنكوۆ, 59; دوستىق, 162; گوگول, 75.
جەتٸسۋ اۋدانىندا - 2 وشاق: ەڭلٸكگٷل, 34ا; ۆولوچاەۆسكايا, 51.
تٷركسٸب اۋدانىندا - 4 وشاق: «التاي-1» شاعىن اۋدانى, 8; «جاس قانات» شاعىناۋدانى, 86, مايلين كٶشەسٸ, 77; سپاسسكايا كٶشەسٸ, 63 مەكەنجايلارىنان اۋرۋ تابىلدى.
قالالىق تاۋارلار مەن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ حابارلاۋىنشا, بارلىق اۋرۋ وشاقتارىندا ەپيدەميياعا قارسى پروفيلاكتيكالىق شارالار كٷشەيتٸلدٸ.
دەرٸگەرلەر وشاق ايماعىندا تۇراتىن تۇلعالاردىڭ دەنساۋلىعىن تەكسەرٸپ جاتىر.
