بيىل الماتى كوللەدجدەرٸنە وقۋعا تٷسۋ تالابى ٶزگەردٸ. مۇنداعى جاڭالىق – ەمتيحانداردىڭ بولماۋى. تەك مەملەكەتتٸك تاپسىرىس بويىنشا پەداگوگيكالىق, مەديتسينالىق پەن شىعارماشىلىق ماماندىقتارىنا تٷسۋشٸلەر ارنايى ەمتيحان تاپسىرادى.
بۇل تۋرالى ونلاين بريفينگ بارىسىندا الماتى قالالىق بٸلٸم باسقارماسىنىڭ تەحنيكالىق جەنە كەسٸپتٸك بٸلٸم بەرۋ بٶلٸمٸنٸڭ باسشىسى ەسەت مۇحانبەتوۆ جاڭا مەحانيزم «ستۋدەنتكە اقشا» قاعيداتىنا نەگٸزدەلگەنٸن ايتتى, دەپ حابارلايدى "ۇلت اقپارات".
ونىڭ ايتۋىنشا, مەملەكەتتٸك تاپسىرىس تالاپكەردٸڭ تاڭداۋى بويىنشا كوللەدجدەرگە ناقتى قابىلداۋ نەتيجەلەرٸ بويىنشا ورنالاسادى.
«مەملەكەتتٸك تاپسىرىس بەلگٸلٸ بٸر ۇپاي جيناعان جەنە بەسەكەگە قابٸلەتتٸ كوللەدجدەرگە بەرٸلەدٸ. مەملەكەتتٸك تاپسىرىس بويىنشا ورىن العىسى كەلەتٸن تالاپكەرلەر تٸزٸمگە ەنگەن كوللەدجدەردٸ عانا تاڭداي الادى», - دەدٸ الماتى بٸلٸم باسقارماسىنىڭ ٶكٸلٸ ەسەت مۇحانبەتوۆ.
بىلتىر كوللەدجدەر قابىلداۋ ەمتيحاندارىن ٶز بەتٸنشە ٶتكٸزگەن بولسا, ەندٸ بەسەكەلەستٸك ورتاشا ۇپاي بويىنشا اۆتوماتتى رەجيمدە ٶتكٸزٸلەدٸ.
دەمەك, جوو-نا تٷسۋ ٷشٸن مەديتسينالىق, پەداگوگيكالىق پەن شىعارماشىلىق ماماندىقتاردان باسقا ۇبت سەرتيفيكاتى تالاپ ەتٸلمەيدٸ.
سونىمەن قاتار, ول بۇل شارالار مەملەكەتتٸك تاپسىرىستى قابىلداۋ مەن ورنالاستىرۋ پروتسەسٸنٸڭ اشىقتىعىن قامتاماسىز ەتۋگە, كوللەدجدەر اراسىنداعى بەسەكەلەستٸكتٸ كٷشەيتۋگە مٷمكٸندٸك بەرەتٸنٸن اتاپ ٶتتٸ.
سونداي-اق بارلىق مەكتەپ تٷلەكتەرٸ بٸلٸم باسقارمالارىنىڭ اقپاراتتىق جٷيەلەرٸ ارقىلى كەسٸبي دياگنوستيكادان ٶتۋ مٷمكٸندٸگٸ بار. نەتيجەسٸندە تالاپكەر بەلگٸلٸ بٸر ماماندىقتى الۋعا ۇسىنىستار الادى, ۇسىنىلعان ماماندىقتاردىڭ كارتالارىمەن تانىسادى.
كەسٸبي دياگنوستيكا قورىتىندىسى بويىنشا تالاپكەر 4 ماماندىق پەن 4 كوللەدج تاڭداي الادى.
بۇل رەتتە تالاپكەرلەردٸ جۇمىسشى بٸلٸكتٸلٸگٸ, ارنايى بٸلٸم بەرۋ باعدارلامالارى بويىنشا قابىلداۋ تٸكەلەي كوللەدجدەردە كونكۋرستان تىس جٷزەگە اسىرىلادى.
«الماتىدا 83 ورتا-ارنايى وقۋ ورنى بار, ونىڭ 22-سٸ مەملەكەتتٸك. ونىڭ ٷستٸنە, 47 كوللەدجدە وقۋشىلاردى مەملەكەتتٸك تاپسىرىس بويىنشا وقىتادى. ستۋدەنتتەر 21 مىڭ تەڭگە كٶلەمٸندە ستيپەندييا الادى.
