Biyl Almaty kolledjderine oqýǵa túsý talaby ózgerdi. Mundaǵy jańalyq – emtihandardyń bolmaýy. Tek memlekettik tapsyrys boiynsha pedagogikalyq, meditsinalyq pen shyǵarmashylyq mamandyqtaryna túsýshiler arnaiy emtihan tapsyrady.
Bul týraly onlain brifing barysynda Almaty qalalyq bilim basqarmasynyń tehnikalyq jáne kásiptik bilim berý bóliminiń basshysy Áset Muhanbetov jańa mehanizm «stýdentke aqsha» qaǵidatyna negizdelgenin aitty, dep habarlaidy "Ult aqparat".
Onyń aitýynsha, memlekettik tapsyrys talapkerdiń tańdaýy boiynsha kolledjderge naqty qabyldaý nátijeleri boiynsha ornalasady.
«Memlekettik tapsyrys belgili bir upai jinaǵan jáne básekege qabiletti kolledjderge beriledi. Memlekettik tapsyrys boiynsha oryn alǵysy keletin talapkerler tizimge engen kolledjderdi ǵana tańdai alady», - dedi Almaty Bilim basqarmasynyń ókili Áset Muhanbetov.
Byltyr kolledjder qabyldaý emtihandaryn óz betinshe ótkizgen bolsa, endi básekelestik ortasha upai boiynsha avtomatty rejimde ótkiziledi.
Demek, JOO-na túsý úshin meditsinalyq, pedagogikalyq pen shyǵarmashylyq mamandyqtardan basqa UBT sertifikaty talap etilmeidi.
Sonymen qatar, ol bul sharalar memlekettik tapsyrysty qabyldaý men ornalastyrý protsesiniń ashyqtyǵyn qamtamasyz etýge, kolledjder arasyndaǵy básekelestikti kúsheitýge múmkindik beretinin atap ótti.
Sondai-aq barlyq mektep túlekteri bilim basqarmalarynyń aqparattyq júieleri arqyly kásibi diagnostikadan ótý múmkindigi bar. Nátijesinde talapker belgili bir mamandyqty alýǵa usynystar alady, usynylǵan mamandyqtardyń kartalarymen tanysady.
Kásibi diagnostika qorytyndysy boiynsha talapker 4 mamandyq pen 4 kolledj tańdai alady.
Bul rette talapkerlerdi jumysshy biliktiligi, arnaiy bilim berý baǵdarlamalary boiynsha qabyldaý tikelei kolledjderde konkýrstan tys júzege asyrylady.
«Almatyda 83 orta-arnaiy oqý orny bar, onyń 22-si memlekettik. Onyń ústine, 47 kolledjde oqýshylardy memlekettik tapsyrys boiynsha oqytady. Stýdentter 21 myń teńge kóleminde stipendiia alady.
