الماتى قالاسى بويىنشا ستاتيستيكا دەپارتامەنتٸنٸڭ باسشىسى ايدار ەبٸلدابەكوۆ 2021 جىلعى ساناق ناۋقانى تۋرالى ايتىپ بەردٸ, دەپ حابارلايدى "ۇلت اقپارات".
«ساناق پاراقتارىنا ەنگٸزٸلگەن سۇراقتار تٸزبەسٸ ٶتكەن ساناققا قاراعاندا كەڭەيتٸلٸپ, 67 نەگٸزگٸ سۇراق پەن 20 جاناما سۇراقتان تۇرادى. سۇراقتار ەۋروپالىق ستاتيستتەردٸڭ ۇسىنىستارىنا سەيكەس جاسالدى», - دەدٸ ول.
ونىڭ ايتۋىنشا, حالىق ساناعىن ٶتكٸزۋگە بٸلٸم دەڭگەيٸنە قاراماستان قازاقستان رەسپۋبليكاسىنىڭ كەز كەلگەن نيەت بٸلدٸرگەن ازاماتى قاتىسا الادى.
ستاتيستيكا دەپارتامەنتٸ ساناق قىزمەتكەرلەرٸن تولىق ەمەس جۇمىسقا قابىلداۋعا دايىن.
نيەت بٸلدٸرۋشٸلەر اباي كٶشەسٸ, 125 مەكەنجايىندا كادر قىزمەتٸنە جٷگٸنە الادى.
«ەزٸرگە بٸز باستاپقى ساناق قىزمەتكەرلەرٸن تاڭدادىق. قازان ايىندا بٸزگە 2 مىڭنان استام ينتەرۆيۋەر قاجەت بولادى, سونداي-اق بٸزگە رەزەرۆشٸلەر قاجەت. بارلىق تارتىلعان ساناق قىزمەتكەرلەرٸ الماتى قالاسىنىڭ قوعامدىق كٶلٸگٸندە تەگٸن جول جٷرەدٸ», - دەدٸ ايدار ەبٸلدابەكوۆ.
الماتى قالاسى بويىنشا ستاتيستيكا دەپارتامەنتٸ مەگاپوليس تۇرعىندارىن ساناق ناۋقانىنا تٷسٸنٸستٸكپەن قاراۋعا شاقىردى.
ىڭعايلى بولۋ ٷشٸن ساناق پاراقتارىن ونلاين رەجيمدە تولتىرۋعا بولادى.
