Almaty qalasy boiynsha Statistika departamentiniń basshysy Aidar Ábildabekov 2021 jylǵy sanaq naýqany týraly aityp berdi, dep habarlaidy "Ult aqparat".
«Sanaq paraqtaryna engizilgen suraqtar tizbesi ótken sanaqqa qaraǵanda keńeitilip, 67 negizgi suraq pen 20 janama suraqtan turady. Suraqtar Eýropalyq statistterdiń usynystaryna sáikes jasaldy», - dedi ol.
Onyń aitýynsha, halyq sanaǵyn ótkizýge bilim deńgeiine qaramastan Qazaqstan Respýblikasynyń kez kelgen niet bildirgen azamaty qatysa alady.
Statistika departamenti sanaq qyzmetkerlerin tolyq emes jumysqa qabyldaýǵa daiyn.
Niet bildirýshiler Abai kóshesi, 125 mekenjaiynda kadr qyzmetine júgine alady.
«Ázirge biz bastapqy sanaq qyzmetkerlerin tańdadyq. Qazan aiynda bizge 2 myńnan astam interviýer qajet bolady, sondai-aq bizge rezervshiler qajet. Barlyq tartylǵan sanaq qyzmetkerleri Almaty qalasynyń qoǵamdyq kóliginde tegin jol júredi», - dedi Aidar Ábildabekov.
Almaty qalasy boiynsha Statistika departamenti megapolis turǵyndaryn sanaq naýqanyna túsinistikpen qaraýǵa shaqyrdy.
Yńǵaily bolý úshin sanaq paraqtaryn onlain rejimde toltyrýǵa bolady.
