فوتو: yandex.kz
الماتى قالاسىندا «كەنجەحان» بازارىنىڭ باسشىسى سەرگەي كيمنٸڭ ٷيٸنە جاسالعان قارۋلى شابۋىلعا قاتىستى ٷكٸم شىقتى. ٷش كٷدٸكتٸ 10-11 جىلعا باس بوستاندىعىنان ايىرىلدى, دەپ حابارلايدى Ult.kz.
تەرگەۋ مەلٸمەتٸنشە, قىلمىستىق توپ اۋقاتتى ادامداردى الدىن الا باقىلاپ, تٷنگٸ ۋاقىتتا ٷيلەرٸنە باسىپ كٸرٸپ, كٷش قولدانۋ ارقىلى اقشا مەن باعالى زاتتاردى تارتىپ وتىرعان. ولاردىڭ نىساناسىنا كەسٸپكەردٸڭ كوتتەدجٸ دە ٸلٸككەن.
2025 جىلعى 12 قىركٷيەككە قاراعان تٷنٸ كٷدٸكتٸلەر ٷيگە زاڭسىز كٸرٸپ, يەسٸن ۇرىپ-سوققان. كەسٸپكەر قارسىلىق كٶرسەتٸپ, پىشاقپەن بٸر شابۋىلداۋشىنى جارالاعان. الايدا قىلمىسكەرلەر ونىڭ جۇبايى مەن بالاسىن ٶلتٸرەمٸز دەپ قورقىتقاننان كەيٸن, ول امالسىز بەرٸلگەن.
قاراقشىلار ٷيدەن جالپى قۇنى 530 ميلليون تەڭگەدەن اساتىن باعالى زاتتاردى الىپ كەتكەن. ولاردىڭ ٸشٸندە:
Ulysse Nardin (45 ملن تگ),
Vacheron Constantin (28 ملن تگ),
Rolex (26 ملن تگ),
سونداي-اق Van Cleef & Arpels زەرگەرلٸك بۇيىمدارى بولعان.
كٷدٸكتٸلەر قىلمىستى مۇقييات جوسپارلاعانىمەن, ۇزاق ۋاقىت بويى جاسىرىنا الماعان. جارالانعانداردىڭ بٸرٸ دەرٸگەرگە جٷگٸنگەن, ال وقيعا ورنىنان تاكسيمەن كەتكەن كەزدە جٷرگٸزۋشٸ ولاردى تانىپ قالعان. نەتيجەسٸندە بەس كٷن ٸشٸندە بارلىعى ۇستالدى.
ايتا كەتەيٸك, «كەنجەحان» بازارى سوڭعى جىلدارى تٷرلٸ داۋلارمەن جيٸ اتالىپ, مەسەلە جوعارى دەڭگەيدە قارالعان بولاتىن.
