Foto: yandex.kz
Almaty qalasynda «Kenjehan» bazarynyń basshysy Sergei Kimniń úiine jasalǵan qarýly shabýylǵa qatysty úkim shyqty. Úsh kúdikti 10-11 jylǵa bas bostandyǵynan aiyryldy, dep habarlaidy Ult.kz.
Tergeý málimetinshe, qylmystyq top aýqatty adamdardy aldyn ala baqylap, túngi ýaqytta úilerine basyp kirip, kúsh qoldaný arqyly aqsha men baǵaly zattardy tartyp otyrǵan. Olardyń nysanasyna kásipkerdiń kottedji de ilikken.
2025 jylǵy 12 qyrkúiekke qaraǵan túni kúdiktiler úige zańsyz kirip, iesin uryp-soqqan. Kásipker qarsylyq kórsetip, pyshaqpen bir shabýyldaýshyny jaralaǵan. Alaida qylmyskerler onyń jubaiy men balasyn óltiremiz dep qorqytqannan keiin, ol amalsyz berilgen.
Qaraqshylar úiden jalpy quny 530 million teńgeden asatyn baǵaly zattardy alyp ketken. Olardyń ishinde:
Ulysse Nardin (45 mln tg),
Vacheron Constantin (28 mln tg),
Rolex (26 mln tg),
sondai-aq Van Cleef & Arpels zergerlik buiymdary bolǵan.
Kúdiktiler qylmysty muqiiat josparlaǵanymen, uzaq ýaqyt boiy jasyryna almaǵan. Jaralanǵandardyń biri dárigerge júgingen, al oqiǵa ornynan taksimen ketken kezde júrgizýshi olardy tanyp qalǵan. Nátijesinde bes kún ishinde barlyǵy ustaldy.
Aita keteiik, «Kenjehan» bazary sońǵy jyldary túrli daýlarmen jii atalyp, másele joǵary deńgeide qaralǵan bolatyn.
