الماتىدا پوليتسييا قىزمەتكەرلەرٸ قارۋ-جاراق دٷكەنٸن توناۋعا قاتىسقان كٷدٸكتٸنٸ ۇستادى, دەپ حابارلايدى قازاقپارات.
الماتى كومەنداتۋراسىنىڭ مەلٸمەتٸنشە, قيراتۋ, توناۋ كەزٸندە ۇرلانعان قارۋدى الماتى وبلىسىنىڭ 18 جاستاعى تۇرعىنى ارنايى قويمادا جاسىرعان.
كٷدٸكتٸنٸ ناۋرىزباي اۋدانىنىڭ پوليتسييا قىزمەتكەرلەرٸ ۇستادى.
جاۋاپ الۋ كەزٸندە ەر ادام قارۋ ساتاتىن دٷكەندەردٸ توناۋعا قاتىسقانىن مويىندادى.
ونىڭ ۇرلانعان مىلتىقتاردى كارەرلەردەگٸ قويمادا ساقتاعانى انىقتالدى.
كٷدٸكتٸنٸڭ بۇرىن بٶتەننٸڭ مٷلكٸن ۇرلاعانى ٷشٸن قىلمىستىق جاۋاپقا تارتىلعانى بەلگٸلٸ بولدى.
قازٸرگٸ ۋاقىتتا ونىڭ قالاداعى تەرتٸپسٸزدٸكتەر كەزٸندە باسقا دا قىلمىستىق ٸس-ەرەكەتتەرگە قاتىستىلىعىن انىقتاۋ, سونداي-اق, زاڭسىز ساقتالعان باسقا دا قارۋ-جاراقتاردى تەركٸلەۋ بويىنشا جەدەل ٸس-شارالار كەشەنٸ جٷرگٸزٸلۋدە.
