الماتىدا كارديولوگييالىق ورتالىقتىڭ جانىنداعى عيمارات ٶرتەنٸپ جاتىر.
«تٶتەنشە جاعدايلار دەپارتامەنتٸنٸڭ 42 قىزمەتكەرٸ مەن 14 تەحنيكا المالى اۋدانى تٶلە بي كٶشەسٸندەگٸ 98-ٷيدەگٸ شاقىرتۋ بويىنشا ٶرتتٸ سٶندٸرٸپ جاتىر. قازٸرگٸ مەلٸمەت بويىنشا جەكە تۇرعان عيماراتتىڭ شاتىرى وتقا ورانعان. ٶرت گيدرانتتارى جٸبەرٸلٸپ, گيدرانتتارعا اۆتوتسيستەرنا ورناتىلدى», – دەپ حابارلادى قالالىق تجد باسپاسٶز قىزمەتٸ.
گاز تٷتٸننەن قورعاۋ قىزمەتٸ عيمارات ٸشٸندە ادامنىڭ بار جوعىن انىقتاۋ ٷشٸن بارلاۋ جٷرگٸزٸپ جاتىر.
وقيعا ورنىنا ٶرت سٶندٸرۋ بريگاداسى كەلگەنشە, عيماراتتىڭ ارتقى جاعىندا ورنالاسقان وتتەگٸ قۇياتىن ستانسادا جارىلىس بولدى. سونىڭ سالدارىنان تٶبە جابىندىسى قۇلاعان. قازٸر قاۋٸپ سەيٸلدٸ. قىزىل جالىننىڭ تارالۋى توقتالىپ, ساعات 15:47-تە وقشاۋلاندى.
