الماتىدا جىل باسىنان بەرٸ كارانتين تەرتٸبٸن بۇزعان 3018 ادامعا 202 ملن تەڭگە كٶلەمٸندە ايىپپۇل سالىندى. بۇل تۋرالى قالالىق سانيتارلىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى سەدۋاقاس بايعابىلوۆ ونلاين بريفينگ بارىسىندا ايتتى, دەپ حابارلايدى "ۇلت اقپارات".
سپيكەردٸڭ ايتۋىنشا, جىل باسىنان بەرٸ مونيتورينگ توبى 13 500-دەن استام نىساندى تەكسەردٸ. نەتيجيەسٸندە 1573 تەرتٸپبۇزۋشىلىق انىقتالدى. كارانتين تەرتٸبٸن بۇزعاندارعا قاتىستى 3018 حاتتاما تولتىرىلدى. ايىپپۇلداردىڭ جالپى سوماسى 202 ملن تەڭگە.
كارانتين رەجيمٸن ٶرەسكەل بۇزۋشىلار بويىنشا مامانداندىرىلعان اۋدانارالىق ەكٸمشٸلٸك سوتتارعا 63 ماتەريال جٸبەرٸلدٸ. سوت شەشٸمٸمەن 39 وبەكتٸنٸڭ قىزمەتٸ توقتاتىلعان.
الماتى قالاسى سانيتارلىق-ەپيدەميولوگييالىق باقىلاۋ دەپارتامەنتٸ باسشىسىنىڭ ورىنباسارى مونيتورينگ توبى دەمالىسسىز جەنە مەرەكە كٷندەرٸ دە جۇمىس ٸستەيتٸنٸن اتاپ ٶتتٸ.
