الماتىنىڭ مونيتورينگ توبى شەكتەۋ شارالارىنىڭ ساقتالۋىن باقىلاۋ ٷشٸن كٷن سايىن كەسٸپكەرلٸك نىساندارعا تەكسەرۋ جٷرگٸزەدٸ. 10 ماۋسىمنان 11 ماۋسىمعا قاراعان تٷنٸ قالادا سەگٸز زاڭ بۇزۋشىلىق انىقتالدى, دەپ حابارلايدى "ۇلت اقپارات".
مونيتورينگ توپ ٶكٸلدەرٸنٸڭ ايتۋىنشا, قالادا اshyq جوباسىنا كٸرمەيتٸن مەكەمەلەردٸڭ قىزمەت كٶرسەتٸپ جاتقاندارى انىقتالۋدا. مىسالى, بوستاندىق اۋدانىنداعى 1Gog رەستوبارىندا زاڭ بۇزۋشىلىق بولدى. بۇل مەكەمە زاڭعا قايشى ەرەكەتتەرٸمەن تەكسەرۋشٸلەردٸڭ نازارىنا بٸرنەشە رەت تٷسكەن.
1Gog مەكەمەسٸ تٷنگٸ ساعات 1-گە دەيٸن جۇمىس ٸستەدٸ. وندا 60-قا جۋىق ادام بولعان. نىسان باسشىلىعىن ەكٸمشٸلٸك جاۋاپكەرشٸلٸككە تارتۋ ٷشٸن ماتەريالدار جيناقتالدى.
رەستوبارداعى كارانتيندٸك شارالاردى بۇزۋمەن قاتار, كاليان شەگۋ فاكتٸسٸ انىقتالدى. ەسكە سالساق, قوعامدىق ورىنداردا كاليانعا تولىق تىيىم سالىنعان. تەرتٸپ بۇزۋشىلارعا قاتىستى قر ەكٸمشٸلٸك كودەكسنٸڭ 441-بابى 1-بٶلٸگٸ بويىنشا ەكٸمشٸلٸك حاتتاما تولتىرىلدى. ايتا كەتەيٸك, وعان سالىناتىن ايىپپۇل كٶلەمٸ 15 اەك (43 755 تەڭگە). الماتىنىڭ سانيتارلىق دەرٸگەرلەرٸ كالياننىڭ زيياندى قاسيەتتەرٸ تۋرالى بٸرنەشە رەت ايتقان, سول ارقىلى جۇقپالى اۋرۋلار, سونىڭ ٸشٸندە كوروناۆيرۋس وڭاي تارالادى.
مەدەۋ اۋدانىنىڭ مونيتورينگٸلٸك توبى 10-نان 11-شٸ ماۋسىمعا قاراعان تٷنٸ جٸبەك جولى داڭعىلىنداعى Bacha تٷنگٸ كلۋبىندا زاڭ بۇزۋشىلىقتى انىقتادى. مەكەمەدە 80-گە جۋىق ادام بولعان. كەلۋشٸلەر ەلەۋمەتتٸك قاشىقتىقتى ساقتامادى.
ولاردى جاۋاپكەرشٸلٸككە تارتۋ تۋرالى شەشٸمدٸ اۋداندىق سانيتارلىق-ەپيدەميولوگييالىق باقىلاۋ باسقارماسى قابىلدايدى.
تاعى بٸر زاڭ بۇزۋشىلىق بوستاندىق اۋدانىنداعى «ۆيۆالدي» كاراوكەسٸندە بولدى. كٶڭٸل كٶتەرەتٸن ورىن تٷنگٸ ساعات 2.00-دەن كەيٸن جۇمىس ٸستەپ, بەلگٸلەنگەن جۇمىس رەجيمٸن بۇزعان.
ايتا كەتەيٸك, جىل باسىنان تەرتٸپ بۇزۋشىلارعا قاتىستى 74 ماتەريال سوتقا بەرٸلدٸ. وسى جىلى الماتىدا 20 ناۋرىز بەن 11 ماۋسىم ارالىعىندا بەلگٸلەنگەن شەكتەۋلەردٸ بۇزعان 1112 جاعداي انىقتالدى.
الماتى ەكٸمدٸگٸ قالا تۇرعىندارى مەن قوناقتارىن كارانتين رەجيمٸن قاتاڭ ساقتاۋعا, تٷنگٸ كلۋبتارعا, رەستوبارلارعا, سالتاناتتى ٸس-شارالارعا, تويلارعا, ادام كٶپ جينالاتىن جەرگە بارماۋعا شاقىرادى.
