الماتى ەكٸمٸنٸڭ ورىنباسارى ەرجان باباقۇماروۆ پەن قالالىق باس سانيتارلىق دەرٸگەر جانداربەك بەكشين, قالالىق بٸلٸم باسقارماسىنىڭ باسشىسى لەززات جىلقىباەۆا مەكتەپ ديرەكتورلارىمەن كەزدەسۋ ٶتكٸزدٸ, دەپ حابارلايدى "ۇلت اقپارات".
«باستى ماقسات – مەكتەپ تٷلەكتەرٸن قورىتىندى اتتەستاتتاۋ شارالارىنا دايىندىقتى پىسىقتاۋ, سانيتارلىق ەپيدەميولوگييالىق تالاپتاردى ورىنداۋ, ۇبت ٶتكٸزۋ پروتسەسٸنٸڭ تالاپتارىن ورىنداۋ, 1-سىنىپقا قابىلداۋ شارتتارى تالقىلاندى», - دەدٸ قالالىق باسپاسٶز قىزمەتٸنەن.
بٷگٸندە الماتىدا 261 مىڭ وقۋشى بار. بيىل قالادا 9 299 تٷلەك مەكتەپ بٸتٸرەدٸ. ولاردىڭ 8 667-ٸ مەملەكەتتٸك مەكتەپتٸ بٸتٸرسە, 632-سٸ جەكەمەنشٸك مەكتەپ تٷلەگٸ.
قالالىق بٸلٸم باسقارماسى تاراتقان اقپاراتقا سەيكەس:
بٸلٸم بەرۋ ۇيىمدارىندا وقۋ جىلى 25 مامىردا اياقتالادى.
9-11 سىنىپ وقۋشىلارى ٷشٸن قورىتىندى اتتەستاتتاۋ ٶتكٸزٸلمەيدٸ.
نەگٸزگٸ ورتا جەنە جالپى ورتا بٸلٸم بەرەتٸن مەكتەپتٸ بٸتٸرگەنٸ جٶنٸندەگٸ اتتەستاتتاۋ قازٸرگٸ باعا بويىنشا جٷرگٸزٸلەدٸ.
ورتا بٸلٸم بەرۋ ۇيىمدارىنىڭ باسشىلارىنا ەلەكتروندى جۋرنالدارداعى باعالاردى تٷزەۋگە ٷزٸلدٸ-كەسٸلدٸ تىيىم سالىنادى.
1-10 سىنىپ وقۋشىلارى ٷشٸن سالتاناتتى مەكتەپ جيىنى قاشىقتان ٶتكٸزٸلەدٸ.
11-سىنىپ بٸتٸرگەن تٷلەكتەرگە اتتەستات تابىستاۋ 3-4 ماۋسىم كٷندەرٸ كەستەگە سەيكەس بارلىق سانيتارلىق-ەپيدەميولوگييالىق تالاپتاردى قاتاڭ ساقتاۋ ارقىلى ٶتەدٸ.
«سالتاناتتى جيىن تەك بٸتٸرۋشٸ سىنىپتار ٷشٸن ٶتكٸزٸلەدٸ جەنە وقۋشىلاردىڭ اراسىنداعى ەلەۋمەتتٸك قاشىقتىق كەمٸندە 2 مەتردەن كەم بولماۋى تيٸس. اتتەستاتاردى تەك سىنىپتار بويىنشا تابىستالادى. بۇل شاراعا وقۋشىلار, ولاردىڭ اتا-انالارى مەن مەكتەپ ۇجىمىنان قوسقاندا شامامەن 60 ادامعا عانا قاتىسۋعا رۇقسات ەتٸلەدٸ. بٸر سىنىپتىڭ تٷلەكتەرٸ مەن ەكٸنشٸ سىنىپتىڭ تٷلەكتەرٸنە اتتەستات تابىستاۋ شارالارىنىڭ ارالىعى كەمٸندە 1 ساعات بولۋى تيٸس. جيىنعا تٷلەكتەردٸڭ وتباسىنان تەك 1-2 اتا-انا عانا كەلۋٸ كەرەك, ولاردىڭ ەگدە جاستاعى اتالارى مەن ەجەلەرٸنە كەلۋدەن باس تارتقانى جٶن. مەكتەپتەردٸڭ ەكٸمشٸلٸكتەرٸ اتا-انالار كوميتەتتەرٸمەن, سىنىپتارمەن جەنە پەداگوگيكالىق ۇجىمدارمەن تٷسٸندٸرۋ جۇمىستارىن جٷرگٸزۋٸ كەرەك. ۇبت بارلىق سانيتارلىق-ەپيدەميولوگييالىق تالاپتاردى قاتاڭ ساقتاي وتىرىپ, ەدەتتەگٸ دەستٷرلٸ فورماتتا ٶتەتٸن بولادى», - دەدٸ ەكٸمدٸكتەن.
