الماتى وبلىسى تاۋلارىن مەكەندەيتٸن قار بارىسىن تٷسٸرۋگە ارنالعان فوتوتۇزاقتى ۇرلاعان تۋريست كامەرانى قايتارىپ بەردٸ, دەپ حابارلايدى قازاقپارات.
«بيىلعى جىلى قىزىق وقيعا بولدى. بٸز Snow Leopard Foundation قورى جەنە زوولوگييا ينستيتۋتىمەن بٸرلەسٸپ ٸلە الاتاۋ ۇلتتىق پاركٸندە قار بارىسىن تٷسٸرەتٸن فوتوتۇزاقتار ورناتتىق. بٸز ەكٸ قۇرىلعىنى بٸر جەرگە قويدىق. تاۋعا شىققان تۋريست بٸرەۋٸن ٶزٸمەن الىپ كەتتٸ. ول ەكٸنشٸسٸن كٶرمەگەن. سول ەكٸنشٸ كامەرا تۋريستٸ قىرىنان تٷسٸرٸپ الىپتى. سول سۋرەت ارقىلى فوتوتۇزاقتى قولدى ەتكەن تۋريستٸ تاۋىپ الدىق», - دەيدٸ الماتى مەملەكەتتٸك تابيعي قورىعىنىڭ اعا عىلىمي قىزمەتكەرٸ سالتٶرە ساپارباەۆ.
ونىڭ ايتۋىنشا, كامەرا 1-2 كٷن ٸشٸندە قايتارىلدى. بۇل فوتوتۇزاقتا ەرەكشە كادرلار بولعان.
«كامەراعا تٷنگٸ الماتىنىڭ كٶرٸنٸسٸندە قار بارىسى تاۋعا قاراي بەت الىپ بارا جاتقان سۋرەتٸ تٷسٸپ قالعان. بۇل ەندٸ تاڭعاجايىپ سۋرەت», - دەپ قوستى ول.
سونداي-اق, ول وسى جىلدىڭ كٶكتەمٸندە فوتوتۇزاق ٷش قار بارىسىن جاقىن قاشىقتىقتا تٷسٸرٸپ العانىن ايتتى.
«الماتى مەملەكەتتٸك تابيعي قورىعىنىڭ اۋماعىندا ورنالاسقان تالعار شاتقالىندا مەن ەكٸ الاڭىن قاسىنا ەرتكەن قار بارىسىن كٶردٸم. باسىندا مەن ولاردى بٸر شاقىرىم قاشىقتىقتا كٶردٸم, كەيٸن ولارعا بٸلدٸرتپەي جاقىنداپ 10 مەتر قاشىقتىقتا باقىلادىم», - دەدٸ ساپارباەۆ.
ونىڭ ايتۋىنشا, قازٸر سيرەك كەزدەسەتٸن قار بارىسى جوعالىپ كەتۋ قاۋپٸ تٶنگەن جانۋارلار تٸزٸمٸنەن شىعارىلدى. بٷگٸندە براكونەرلەرگە قارسى باعدارلاما مەن فوتوتۇزاق كامەرالارىنىڭ ارقاسىندا ولاردىڭ سانى ارتا باستادى.
