الماتىدا ەۋروپا ەلدەرٸ مەن رەسەيدەن كەلگەندەرگە باقىلاۋ كٷشەيتٸلدٸ. بۇل تۋرالى ٶڭٸرلٸك كوممۋنيكاتسييالار قىزمەتٸنٸڭ باسپاسٶز مەسليحاتىندا جانداربەك بەكشين مەلٸم ەتتٸ, دەپ حابارلايدى قازاقپارات.
ونىڭ ايتۋىنشا, كٶلٸكتەگٸ سانيتارلىق-ەپيدەميولوگييالىق باقىلاۋ باسقارماسىنىڭ ەپيدەميولوگ ماماندارى مەن مەديتسينا قىزمەتكەرلەرٸ وسى ەلدەردەن الماتى حالىقارالىق ەۋەجايىنا كەلگەندەردٸ باقىلاۋدى كٷشەيتتٸ.
شەتەلدەن كەلگەن بارلىق جولاۋشىلار جوعارى تەمپەراتۋرانى تٸركەيتٸن ارنايى قۇرالمەن سكانەرلەنەدٸ.
«رەسەي فەدەراتسيياسىنداعى جاعداي كٷردەلەنە تٷستٸ, بٸز ەۋروپا مەن رەسەيدەن كەلگەندەردٸ باقىلاۋدى كٷشەيتتٸك, ٶيتكەنٸ وندا قازٸر اۋرۋدىڭ كٷرت ٶسكەنٸ بايقالادى. رۋمىنييادا, ۇلىبريتانييادا جەنە بالتىق ەلدەرٸندە انتيرەكورد تٸركەلدٸ. حالىق قازٸرگٸ ۋاقىتتا اينالىمداعى دەلتا شتامىنا جەتە مەن بەرۋٸ كەرەك. ەگەر بۇرىن ديارەيا سيياقتى كۆي سيمپتومى باسىم بولسا, بٷگٸندە وعان نەيروتوكسيكالىق سيندروم قوسىلدى, بۇل - ەستە ساقتاۋ قابٸلەتٸنٸڭ ناشارلاۋى. ناۋقاستار اۋرۋحاناعا تٷسكەن كەزدە ەسٸن جوعالتادى. باس ميى زاقىمدانادى, اۋىرىپ جازىلعان ادامدى پوستكوۆيد سيندرومى مازالايدى», - دەپ تٷسٸندٸردٸ جانداربەك بەكشين.
سونىمەن قاتار, ول قاۋٸپ ايماعىندا ەلٸ كٷنگە دەيٸن اۋرۋدى قيىنداتاتىن قارت ادامدار بار ەكەنٸن ايتتى.
«ەڭ كٶپ جۇقتىرعاندار - 20-39 جاستاعى ازاماتتار, ولار اپتاسىنا جۇقتىرعانداردىڭ 28%-ىن قۇرايدى, 24% - 40-59 جاستاعى تۇرعىندار, 25% - 60 جاستان اسقان ادامدار. سوڭعى اپتادا بالالار مەن جاسٶسپٸرٸمدەر اراسىندا اۋرۋ كٶرسەتكٸشٸنٸڭ 2,6% ٶسكەنٸ بايقالادى», - دەيدٸ الماتىنىڭ باس سانيتار دەرٸگەرٸ.
جانداربەك بەكشين ۆاكتسينالانۋدى كەيٸنگە قالدىرماۋعا, ادامدار كٶپ جينالاتىن ورىندارعا, تٷنگٸ كلۋبتارعا, مەيرامحانالارعا بارۋدى, ٷي ٸس-شارالارىن ٶتكٸزۋدٸ شەكتەۋگە شاقىردى.
«قازٸر يممۋندىق قابات 54% پايىزعا جەتتٸ. ەگەر وسىنداي قارقىندى ساقتاپ قالاتىن بولساق, وندا ۆاكتسيناتسييا مەرزٸمٸ جىل سوڭىنا دەيٸن سوزىلىپ, 70%-عا جەتۋٸ مٷمكٸن», - دەدٸ سپيكەر.
