ساودات جۋراەۆا ەسٸمدٸ جەلٸ قولدانۋشى جاقىنىنىڭ بٸر جۇتىم سۋسىننان اۋرۋحاناعا تٷسكەنٸن ايتىپ شاعىمداندى, دەپ حابارلايدى Ult.kz.
تۋىستارىنىڭ ايتۋىنشا, بالالار تاعام مەن سۋسىنعا تاپسىرىس بەرگەن. الايدا كومپوت قۇيىلعان بانكانىڭ ٸشٸندە حيمييالىق ەرٸتكٸش بولعان. ەر ادام بٸر ۇرتتاپ ٷلگەرگەن بويدا سۇيىقتىقتى بٸردەن تٷكٸرٸپ تاستاعان, بٸراق سونىڭ ٶزٸ اۋىز قۋىسى, ٶڭەش پەن اسقازاننىڭ, سونداي-اق بەت تەرٸسٸنٸڭ اۋىر كٷيٸك الۋىنا جەتكٸلٸكتٸ بولعان.
زارداپ شەگۋشٸ شۇعىل تٷردە اۋرۋحاناعا جەتكٸزٸلدٸ, قازٸرگٸ ۋاقىتتا جانساقتاۋ بٶلٸمٸندە جاتىر.
وتباسىنىڭ مەلٸمەتٸنشە, تاپسىرىس «Bai Tal Kitchen» كافەسٸنەن جەتكٸزٸلگەن. جاقىندارى بۇل جاعدايدى كەزدەيسوق قاتەلٸك دەپ ساناۋعا بولمايدى دەپ ەسەپتەيدٸ, ٶيتكەنٸ سۋسىننىڭ ورنىنا ادامعا قاۋٸپتٸ زات بەرٸلگەن.
قۇقىق قورعاۋ ورگاندارىنا ارىز جازىلعان. الايدا ٸستٸ ازاماتتىق ٶندٸرٸسكە اۋىستىرۋ جوسپارلانىپ وتىر. وتباسى ەر ادامنىڭ جاعدايى ەلٸ دە اۋىر ەكەنٸن ايتىپ, قىلمىستىق ٸس قوزعاۋدى تالاپ ەتۋدە.
