Saodat Jýraeva esimdi jeli qoldanýshy jaqynynyń bir jutym sýsynnan aýrýhanaǵa túskenin aityp shaǵymdandy, dep habarlaidy Ult.kz.
Týystarynyń aitýynsha, balalar taǵam men sýsynǵa tapsyrys bergen. Alaida kompot quiylǵan bankanyń ishinde himiialyq eritkish bolǵan. Er adam bir urttap úlgergen boida suiyqtyqty birden túkirip tastaǵan, biraq sonyń ózi aýyz qýysy, óńesh pen asqazannyń, sondai-aq bet terisiniń aýyr kúiik alýyna jetkilikti bolǵan.
Zardap shegýshi shuǵyl túrde aýrýhanaǵa jetkizildi, qazirgi ýaqytta jansaqtaý bóliminde jatyr.
Otbasynyń málimetinshe, tapsyrys «Bai Tal Kitchen» kafesinen jetkizilgen. Jaqyndary bul jaǵdaidy kezdeisoq qatelik dep sanaýǵa bolmaidy dep esepteidi, óitkeni sýsynnyń ornyna adamǵa qaýipti zat berilgen.
Quqyq qorǵaý organdaryna aryz jazylǵan. Alaida isti azamattyq óndiriske aýystyrý josparlanyp otyr. Otbasy er adamnyń jaǵdaiy áli de aýyr ekenin aityp, qylmystyq is qozǵaýdy talap etýde.
