فوتو: الماتى ەكٸمدٸگٸ
الماتىدا جاڭا ەكسپو-ورتالىق قۇرىلىسىنا دايىندىق باستالدى. جوبا اياسىندا مەدەۋ اۋدانىندا ورنالاسقان بٸرقاتار جەر تەلٸمدەرٸ مەملەكەت قاجەتٸنە الىنىپ, يەلەرٸنە نارىقتىق باعامەن ٶتەماقى تٶلەنبەك, دەپ حابارلايدى Ult.kz.
تيٸستٸ قاۋلى 2026 جىلعى 26 ناۋرىزدا قابىلدانعان. قۇجاتقا سەيكەس, بولاشاق كٶرمە كەشەنٸ قۇلجا تاس جولىنىڭ شىعىس بٶلٸگٸندە سالىنادى. اۋماق حالىقارالىق كٶرمەلەردٸ, بيزنەس-فورۋمداردى, كونتسەرتتەر مەن ٸرٸ مەدەني ٸس-شارالاردى ٶتكٸزۋگە ارنالعان كٶپفۋنكتسيونالدى ورتالىق بولماق.
جالپى الۋعا جوسپارلانعان جەر كٶلەمٸ شامامەن 1 گەكتاردى قۇرايدى. جەر تەلٸمدەرٸن مەملەكەت قاجەتٸنە الۋ پروتسەسٸ 2027 جىلدىڭ 31 جەلتوقسانىنا دەيٸن جالعاسادى.
رەسمي دەرەككە سەيكەس, كەلەسٸ اۋماقتارداعى جەرلەر الىنباق:
قۇلجا تاس جولى, 92 (0,56 گا)
قۇلجا تاس جولى, 70/2 (0,15 گا)
الماتى – قورعاس اۆتوجولى بويىنداعى جەر تەلٸمٸ (0,25 گا)
مەملەكەت جەر يەلەرٸنە نارىقتىق باعامەن ٶتەماقى ۇسىنادى. ەگەر مەنشٸك يەلەرٸ ۇسىنىلعان سوماعا كەلٸسپەسە, داۋ سوت تەرتٸبٸمەن شەشٸلۋٸ مٷمكٸن.
الماتىدا مەملەكەتتٸك قاجەتتٸلٸككە جەر الۋ تەك بۇل جوبامەن شەكتەلمەيدٸ. قالادا جاڭا تەمٸرجول ۆوكزالىنىڭ قۇرىلىسىنا بايلانىستى 50-دەن استام نىساندى بۇزۋ جوسپارلانعان. سونداي-اق كٶشەلەردٸ كەڭەيتۋ جەنە مەترونىڭ ەكٸنشٸ جەلٸسٸن سالۋ ٷشٸن دە جەر تەلٸمدەرٸ الىنادى.
جالپى جوسپار بويىنشا, 2026 جىلدىڭ سوڭىنا دەيٸن الماتىدا 1300-دەن استام جەر تەلٸمٸ مەملەكەت قاجەتٸنە ٶتۋٸ مٷمكٸن.
بۇعان دەيٸن قالادا جەڭٸل رەلستٸ كٶلٸك (LRT) جەلٸسٸن سالۋ ٷشٸن 270 جەر تەلٸمٸنٸڭ الىناتىنى حابارلانعان. جوبا جەتٸسۋ, المالى, ەۋەزوۆ جەنە الاتاۋ اۋداندارىن قامتىپ, مارشرۋت الماتى-2 ۆوكزالىنان مٶڭكە بي كٶشەسٸنە دەيٸن ٶتەدٸ. LRT جەلٸسٸن 2029 جىلى ٸسكە قوسۋ جوسپارلانىپ وتىر.
