الماتىدا كوروناۆيرۋس جۇققان ەكٸ ناۋقاس ٶكپەنٸ جاساندى جەلدەتۋ اپپاراتىنا قوسىلعان. بۇل تۋرالى 2 سەۋٸردە قالالىق قوعامدىق دەنساۋلىق ساقتاۋ باسقارماسىنىڭ جەتەكشٸسٸ تٸلەۋحان ەبٸلداەۆ حابارلادى.
"اپپاراتقا قوسىلعان بٸر ناۋقاستا وبسترۋكتيۆتٸ ٶكپە اۋرۋى مەن انتيبيوتيكتەرگە اللەرگييالىق رەاكتسيياسى بارى انىقتالدى. ەكٸنشٸ ناۋقاستا پنەۆمونييا بار. سول سەبەپتٸ جاعدايلارى اۋىر" دەدٸ ەبٸلداەۆ.
ونىڭ ايتۋىنشا, الماتىدا كوروناۆيرۋس جۇققان 80 ناۋقاستىڭ 68-ٸنٸڭ جاعدايى - قاناعاتتانارلىق, ون ادامنىڭ جاعدايى - ورتاشا اۋىر. بٸر ادام جازىلىپ شىقتى.
قالادا ناۋقاستارمەن بايلانىستا بولعان 619 ادام (81 بالا) پروۆيزورلىق ستاتسيوناردا جاتىر. ٷي كارانتينٸندە 3853 ادام بار.
الماتىدا جالپى 90 ادامنان كوروناۆيرۋس تابىلعان. 11 ادام جازىلعان. ولاردىڭ اراسىندا 2 جاسار بالا دا بار.
الماتى - ۆيرۋس جۇقتىرعاندار سانى جاعىنان رەسپۋبليكادا نۇر-سۇلتاننان (191) كەيٸن ەكٸنشٸ ورىندا تۇر. 19 ناۋرىزدا قالادا كارانتين جارييالانىپ, قالاعا كٸرٸپ-شىعۋعا تىيىم سالىندى. 28 ناۋرىزدا ادامداردىڭ سىرتقا شىعۋىنا شەكتەۋ قويىلدى. قالا تۇرعىندارى ازىق-تٷلٸك, دەرٸ-دەرمەك ساتىپ الۋ سيياقتى ٶتە قاجەتتٸ جاعدايدا عانا كٶشەگە شىعا الادى. قالادا ازىق-تٷلٸك دٷكەندەرٸ, دەرٸحانالاردان باسقا نىساندار جابىق.
