الماتىدا دەرٸحانا كۋرەرٸ سينتەتيكالىق ەسٸرتكٸ تاراتقان, - دەپ حابارلايدى Polisia.kz.
تالعار اۋدانىنىڭ 29 جاستاعى تۇرعىنى ٶزٸن "دەرٸحانا كۋرەرٸ" رەتٸندە تانىستىرعان. ونىڭ ايتۋىنشا, ٶزٸنە ينتەرنەتتەن "كٷندەلٸكتٸ تٶلەم جاسالاتىن دەرٸحانالار جەلٸسٸنٸڭ كۋرەرٸ" دەگەن سيپاتتامامەن جۇمىس تاپقان.
"شىن مەنٸندە, جاس جٸگٸتتٸڭ قىلمىستىق ٸسٸن زەرتتەۋ بارىسىندا بەلگٸلٸ بولعانداي, بۇل جاسىرىن ٸزدەۋ جٷيەسٸندەگٸ بٸرٸنشٸ اعىن عانا. ەرٸ قاراي جۇمىس بەرۋشٸمەن بايلانىس ورناتۋ ٷشٸن كودتاردى پايدالانۋ كەرەك. ۇستالعان كٷنٸ كۋرەر 29 دوزا ەسٸرتكٸ قويۋعا تاپسىرىس العان. الايدا ول ۇستالدى. قىزعىلت تٷستٸ ۇنتاق زاتى بار بايلامدار ساراپتاماعا جٸبەرٸلدٸ, قورىتىندىسىنا سەيكەس زەرتتەۋگە ۇسىنىلعان زاتتار پسيحوتروپتىق بولىپ سانالادى. مەدەۋ اۋداندىق پب-نا قاراستى پوليتسييا بٶلٸمٸندە سوتالدى تەرگەۋ باستالدى. ول ۋاقىتشا ۇستاۋ يزولياتورىنا توعىتىلدى", – دەدٸ الماتى قالالىق پد ەسٸرتكٸ قىلمىسىنا قارسى كٷرەس باسقارماسىنىڭ باستىعى ەرلان ەلماعامبەتوۆ.
كٷدٸكتٸ بۇعان دەيٸن دە قىلمىستىق جاۋاپكەرشٸلٸككە تارتىلعان. سول كەزدە ول بٶتەننٸڭ مٷلكٸن ۇرلاۋمەن اينالىسقان.
