كوللاج: Massaget.kz
الماتىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتىندا گاستروەنتەرولوگ-دەرٸگەر يۋريي شۋمكوۆتى ٶلتٸردٸ دەپ ايىپتالعان كٷدٸكتٸگە ٷكٸم شىقتى. ٷكٸمدٸ سۋديا ەركٸن مايشينوۆ وقىدى, - دەپ حابارلايدى Massaget.kz پورتالى.
شۋمكوۆتىڭ 36 جاستاعى ناۋقاسى نۇرجان تۇرسىنباەۆ بارلىق ايىپ بويىنشا كٸنەلٸ دەپ تانىلىپ, قاتاڭ رەجيمدەگٸ كولونييادا 18 جىلعا باس بوستاندىعىنان ايىرىلدى.
بۇعان دەيٸن پروكۋرور كٸسٸ ٶلتٸردٸ دەپ ايىپتالعان ەر ادامدى 20 جىلعا باس بوستاندىعىنان ايىرۋدى سۇراعان بولاتىن. سوتتالۋشى نۇرجان تۇرسىنباەۆقا بٸردەن قازاقستان رەسپۋبليكاسى قىلمىستىق كودەكسٸنٸڭ بٸرنەشە بابى بويىنشا ايىپ تاعىلدى:
قر قك 99-بابى, 2-بٶلٸگٸ ("كٸسٸ ٶلتٸرۋ");
قر قك 115-بابى ("قورقىتۋ");
قر قك 287-بابى, 2 جەنە 3-بٶلٸكتەرٸ ("قارۋدى, وق-دەرiلەردi, جارىلعىش زاتتاردى جەنە جارىلىس قۇرىلعىلارىن زاڭسىز يەمدەنۋ, بەرۋ, ٶتكiزۋ, ساقتاۋ, تاسىمالداۋ نەمەسە الىپ جٷرۋ");
قر قك 291-بابى, 4-بٶلٸگٸ, 2-تارماعى ("قارۋدى, وق-دەرٸلەردi, جارىلعىش زاتتار مەن جارىلىس قۇرىلعىلارىن جىمقىرۋ نە قورقىتىپ الۋ");
380-باپ, 1-بٶلٸم ("بيلٸك ٶكٸلٸنە قاتىستى قاتەر نەمەسە زورلىق-زومبىلىق").
گاستروەنتەرولوگ يۋريي شۋمكوۆ 4 سەۋٸردە تاڭەرتەڭ الماتىدا اۆتوتۇراقتا ٶلتٸرٸلگەن بولاتىن. قىلمىسكەر ونى مىلتىقپەن اتىپ, قاشىپ كەتكەن. كەيٸن ول شاڭىراق شاعىناۋدانىندا ۇستالدى.
