الماتىدا بۇرىنعى ترامۆاي دەپوسىنىڭ ورنىندا جالپىعا قولجەتٸمدٸ جاستار ورتالىعى پايدا بولادى. ونىڭ قۇرىلىسى 2023 جىلدىڭ كٶكتەمٸندە باستالادى. بۇل تۋرالى ەربولات دوساەۆ ايتتى, دەپ حابارلايدى قازاقپارات.
«قازٸر قاجەتتٸ قۇجاتتاردى دايىنداپ جاتىرمىز. كەلەسٸ جىلدان باستاپ بٸز سول جەردە «دەپو» دەپ اتالاتىن شىعارماشىلىق ورتالىق سالامىز. جاستاردان ٶتٸنٸش ٶتە كٶپ. ولار ٷلكەن بٸر ورتالىقتىڭ بولعانىن قالايدى», - دەپ جاۋاپ بەردٸ ەكٸم المالى اۋدانى تۇرعىنىنىڭ ساۋالىنا.
ەكٸمنٸڭ ايتۋىنشا, كرەاتيۆتٸ يندۋسترييا ورتالىقتارى قالانىڭ بٸرنەشە جەرٸندە ورنالاسادى.
«بٸز ٶزٸمٸزدٸڭ تالانتتارىمىزدى تاۋىپ, دامىتۋ ٷشٸن كرەاتيۆتٸ يندۋسترييا ورتالىقتارىن قالانىڭ كٶپتەگەن جەرلەرٸنەن اشامىز. كەلەسٸ جىلدىڭ كٶكتەمٸنەن باستاپ «دەپو» جوباسى قولعا الىنادى. جوبانى جٷزەگە اسىرىلادى», — دەپ تٷيٸندەدٸ ەربولات دوساەۆ.
