"بورىشكەرلەرمەن اراداعى داۋدان پايدا تاپپاسىن تٷسٸنگەن بانكتەر مەسەلەنٸ ديپلوماتييالىق جولمەن شەشۋگە كٸرٸستٸ. كەزٸندە يپوتەكالىق نەسيەنٸ وڭدى-سولدى تاراتىپ, ەندٸ قازٸر سوتتىڭ تابالدىرىعىن توزدىرىپ جٷرگەندەر قاراشانى تاعى بٸر قۇجاتقا قول قويۋعا شاقىردى", - دەپ حابارلايدى ۇلت.كز تٸلشٸسٸ كتك ارناسىنا سٸلتەمە جاساپ.
بٸراق بۇل جولى قارىزعا باتىرۋ ٷشٸن ەمەس, كەرٸسٸنشە تىعىرىقتان شىعۋدىڭ جولىن قاراستىرۋ ٷشٸن. ٶيتكەنٸ بورىشكەرلەردٸڭ كٶبٸ بانككە كەپٸلدٸككە قارا باسىنداعى جالعىز باسپاناسىن قويىپ تاستاعان. سوت ارقىلى سول ازاماتتاردى ٷيٸنەن كٷشتەپ شىعارۋدى توقتاتۋ ٷشٸن ۇلتتىق بانك, ەكٸنشٸ دەڭگەيلٸ بانكتەر مەن الماتى ەكٸمدٸگٸ, قوعامدىق بٸرلەستٸكتەر تٶرتجاقتى مەمٸلەگە قول قويدى. ياعني, بٷگٸننەن باستاپ 3 اي مەرزٸم ٸشٸندە نەسيەسٸن قايتارا الماي جٷرگەندەر بانككە كەلٸپ, باسىنداعى جاعدايىمەن بٶلٸسۋٸ تيٸس. بٸراق بۇل بورىشكەر نەسيەسٸن ٶتەمەيدٸ دەگەن سٶز ەمەس. تەك شاماسىنا قاراي تٶلەۋ شارتتارىن جۇمسارتىلادى. قازٸردە ەلدە ەنە-مٸنە ٷيٸنەن قۋىلعالى جاتقان 40 مىڭ شاقتى وتباسى بار. ال قۇجات وسى تٷيتكٸلدٸ شەشۋگە سەپتٸگٸن تيگٸزەدٸ دەن سەندٸرٸپ وتىر ۇلتتىق بانك ٶكٸلدەرٸ.
الەكساندر تەرەنتەۆ, ۇلتتىق بانكتٸڭ باسقارما باسشىسى:
-بورىشكەر ٶز ەركٸمەن بانككە كەلٸپ, قارجىلىق قيىندىقتارى بارىن اشىق ايتۋى تيٸس. وسىلاي بولا تۇرا, قارىزىن ٶتەۋدەن باس تارتپايتىندىعىن تانىتسا, بانك ٶكٸلدەرٸ وعان تٷسٸنٸستٸكپەن قاراپ, ەر بورىشكەرگە قارىزدى ٶتەۋدٸڭ جولدارىن بٸرلەسٸپ قاراستىراتىن بولادى.
