"Boryshkerlermen aradaǵy daýdan paida tappasyn túsingen bankter máseleni diplomatiialyq jolmen sheshýge kiristi. Kezinde ipotekalyq nesieni ońdy-soldy taratyp, endi qazir sottyń tabaldyryǵyn tozdyryp júrgender qarashany taǵy bir qujatqa qol qoiýǵa shaqyrdy", - dep habarlaidy Ult.kz tilshisi KTK arnasyna silteme jasap.
Biraq bul joly qaryzǵa batyrý úshin emes, kerisinshe tyǵyryqtan shyǵýdyń jolyn qarastyrý úshin. Óitkeni boryshkerlerdiń kóbi bankke kepildikke qara basyndaǵy jalǵyz baspanasyn qoiyp tastaǵan. Sot arqyly sol azamattardy úiinen kúshtep shyǵarýdy toqtatý úshin Ulttyq Bank, ekinshi deńgeili bankter men Almaty ákimdigi, qoǵamdyq birlestikter tórtjaqty mámilege qol qoidy. Iaǵni, búginnen bastap 3 ai merzim ishinde nesiesin qaitara almai júrgender bankke kelip, basyndaǵy jaǵdaiymen bólisýi tiis. Biraq bul boryshker nesiesin ótemeidi degen sóz emes. Tek shamasyna qarai tóleý sharttaryn jumsartylady. Qazirde elde áne-mine úiinen qýylǵaly jatqan 40 myń shaqty otbasy bar. Al qujat osy túitkildi sheshýge septigin tigizedi den sendirip otyr Ulttyq bank ókilderi.
Aleksandr Terentev, Ulttyq banktiń basqarma basshysy:
-Boryshker óz erkimen bankke kelip, qarjylyq qiyndyqtary baryn ashyq aitýy tiis. Osylai bola tura, qaryzyn óteýden bas tartpaityndyǵyn tanytsa, bank ókilderi oǵan túsinistikpen qarap, ár boryshkerge qaryzdy óteýdiń joldaryn birlesip qarastyratyn bolady.
