الماتى قالاسىندا بٸر تەۋلٸكتە 10 398 ادام كوروناۆيرۋسقا قارسى ۆاكتسينا سالدىردى. بۇل تۋرالى قالالىق قوعامدىق دەنساۋلىق ساقتاۋ باسقارماسىنان مەلٸم ەتتٸ, دەپ حابارلايدى "ۇلت اقپارات".
«28 ماۋسىم كٷنٸ 10 398 الماتىلىق ۆاكتسينا سالدىردى. بيىلعى جىلدىڭ 1 اقپانى مەن 28 ماۋسىمى ارالىعىندا قالادا بارلىعى 444 311 ادامعا ەكپە سالىندى. ۆاكتسينا العانداردىڭ جالپى سانىنان 60 جاستان اسقان قارت كٸسٸلەر - 74 656», - دەپ حابارلادى باسقارمادان.
قالادا 208 ەگۋ پۋنكتٸ جۇمىس ٸستەپ تۇر. 1 256 ادامنان تۇراتىن 307 ەگۋ بريگاداسى بار. سونىمەن قاتار, 40 كٶشپەلٸ موبيلدٸ بريگادا ۇيىمداستىرىلدى.
«قازٸرگٸ مەديتسينالىق ۇيىمداردا, مەكتەپتەردە, مەدەنيەت, سپورت وبەكتٸلەرٸندە, بازارلار مەن قالانىڭ ساۋدا, ويىن-ساۋىق ورتالىقتارىندا ۆاكتسيناتسييا پۋنكتٸ جۇمىس ٸستەيدٸ», - دەپ ناقتىلادى قوعامدىق دەنساۋلىق ساقتاۋ باسقارماسىنىڭ باسپاسٶز قىزمەتٸ.
قالا بويىنشا ۆاكتسينانىڭ – بٸرٸنشٸ كومپونەنتٸنٸڭ 31 321 دوزاسى جەنە ەكٸنشٸ كومپونەنتٸنٸڭ 100 792 دوزاسى بار.
