Almaty qalasynda bir táýlikte 10 398 adam koronavirýsqa qarsy vaktsina saldyrdy. Bul týraly qalalyq Qoǵamdyq densaýlyq saqtaý basqarmasynan málim etti, dep habarlaidy "Ult aqparat".
«28 maýsym kúni 10 398 almatylyq vaktsina saldyrdy. Biylǵy jyldyń 1 aqpany men 28 maýsymy aralyǵynda qalada barlyǵy 444 311 adamǵa ekpe salyndy. Vaktsina alǵandardyń jalpy sanynan 60 jastan asqan qart kisiler - 74 656», - dep habarlady basqarmadan.
Qalada 208 egý pýnkti jumys istep tur. 1 256 adamnan turatyn 307 egý brigadasy bar. Sonymen qatar, 40 kóshpeli mobildi brigada uiymdastyryldy.
«Qazirgi meditsinalyq uiymdarda, mektepterde, mádeniet, sport obektilerinde, bazarlar men qalanyń saýda, oiyn-saýyq ortalyqtarynda vaktsinatsiia pýnkti jumys isteidi», - dep naqtylady Qoǵamdyq densaýlyq saqtaý basqarmasynyń baspasóz qyzmeti.
Qala boiynsha vaktsinanyń – birinshi komponentiniń 31 321 dozasy jáne ekinshi komponentiniń 100 792 dozasy bar.
