الماتىداعى باۋم توعايىنان قارۋ جاسىرىلعان ورىن تابىلدى, - دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
جاسىرىن جەردە جاپپاي تەرتٸپسٸزدٸككە قاتىسقان بٷلٸكشٸلەر ەكٸ مىلتىق, رەۆولۆەر, پىشاق, كالاشنيكوۆ اۆتوماتىنىڭ پاتروندارىن, ماكاروۆ تاپانشاسىن, گراناتالاردى, وق ٶتپەيتٸن جيلەت پەن پوليتسييانىڭ جەيدەسٸن جاسىرعانى حابارلاندى.
"بٸزدٸڭ مەكەمەنٸڭ جەدەل بٶلٸمٸنٸڭ قىزمەتكەرلەرٸ الماتى قالالىق پد كريمينالدىق پوليتسييا باسقارماسىنىڭ ەرٸپتەستەرٸمەن بٸرلەسٸپ جەدەل-ٸزدەستٸرۋ ٸس-شارالارىن جٷرگٸزٸپ, ونىڭ بارىسىندا ۋسپەنسكيي كٶشەسٸنەن 200 مەتر قاشىقتىقتاعى باۋم توعايىنان تٷرلٸ وق-دەرٸلەر ساقتالعان ورىن تابىلدى. كٶشە وڭتٷستٸكتە, اعاشتىڭ جانىندا. اتالعان دەرەك تٷركسٸب اۋداندىق پوليتسييا باسقارماسىندا تٸركەلدٸ. تەرگەۋ جٷرٸپ جاتىر", - دەدٸ الماتى قالاسى بويىنشا قاجد لا-155/13 مەكەمەسٸ باسشىسىنىڭ ورىنباسارى شەكٸر يۋنۋسوۆ.
