الماتىدا قازاقستان قارۋلى كٷشتەرٸنە قاراستى ەسكەري بٶلٸمدە اتى اڭىزعا اينالعان «قارا مايور», پولكوۆنيك بوريس كەرٸمباەۆقا ارنالعان ەسكەرتكٸش تاقتاسىنىڭ سالتاناتتى اشىلۋى ٶتتٸ.
بۇل تۋرالى قر قورعانىس مينيسترلٸگٸنٸڭ باسپاسٶز قىزمەتٸ حابارلادى.
سالتاناتتى شارادا ەسكەري بٶلٸمگە بوريس كەرٸمباەۆتٸڭ ەسٸمٸنٸڭ بەرٸلۋٸ ەسكەري قىزمەتشٸلەرگە جٷكتەلگەن جاۋاپكەرشٸلٸكتٸ سەزٸنۋگە ىنتالاندىرادى جەنە ول حالىققا قىزمەت ەتۋدٸڭ ٷلگٸسٸ بولماق. شاراعا بٶلٸمنٸڭ جەكە قۇرامى مەن باسشىلىعى, قارۋلى كٷشتەردٸڭ ارداگەرلەرٸ مەن پولكوۆنيك كەرٸمباەۆتىڭ جۇبايى قاتىستى.
«بٷگٸن مەنٸڭ قۋانىشىمدا شەك جوق. ەرينە جوقتىڭ ورنى تولماس. وسى ساپتا تۇرعان بەرٸڭٸز ٷشٸن ناعىز ۇستاز بولا بٸلدٸ. مەن بارلىقتارىڭىزعا مىقتى دەنساۋلىق, وتباسىلارىڭىزعا اماندىق تٸلەيمٸن. جەتكەن جەتٸستٸكتەرٸڭٸزبەن قۇتتىقتايمىن», - دەدٸ رايسا كەرٸمباەۆا.
ەستەرٸڭٸزگە سالا كەتەيٸك, ەسكەري بارلاۋ قىزمەتٸنە قوسقان ٷلەسٸ مەن ورنى ەرەكشە ەكەنٸن ەسكەرە وتىرىپ, 2019 جىلعى 4 قىركٷيەكتەگٸ قورعانىس مينيسترٸنٸڭ بۇيرىعىمەن ارنايى ماقساتتاعى ەسكەري بٶلٸمگە بوريس كەرٸمباەۆتىڭ اتى بەرٸلدٸ.
پولكوۆنيك ب. كەرٸمباەۆ, ۆ.ي. لەنين اتىنداعى تاشكەنت جوعارى جالپىەسكەري كوماندالىق ۋچيليششەسٸن تەمامداعان. موتواتقىشتار ۆزۆودىنىڭ كومانديرٸ, ورتا ازييا ەسكەري وكرۋگىنىڭ بارلاۋ روتاسىنىڭ, شتابىنىڭ جەنە موتواتقىشتار باتالونىنىڭ باسقارۋشى قىزمەتتەرٸن اتقارعان.
1981 جىلى كەرٸمباەۆ اۋعان ەلٸنە جٸبەرٸلگەن بولاتىن. ول باسقارعان جاساق پاندشير شاتقالىنداعى احماد شاح ماسۋدتىڭ مودجاحەدتەر قۇرامالارىنا قارسى تۇرعان. سەگٸز ايعا سوزىلعان ۇدايى اتىستاردان, قونىستانۋ وپەراتسييالارى مەن رەيدتەردەن كەيٸن مودجاحەدتەردٸڭ باسشىسى ۋاقىتشا بٸتٸمگە كەلٸسۋگە مەجبٷر بولدى. نەتيجەسٸندە كەڭەس ەسكەرلەرٸنە قارسى توپتاردىڭ جاۋىنگەرلٸك ٸس-قيمىلدارى توقتاتىلدى.
ٶز جاساعى «قارا مايور» دەپ اتاپ كەتكەن سارداردىڭ ەسٸمٸ بارلىق ەسكەري قىزمەتشٸلەردٸڭ مەڭگٸ ەسٸندە قالدى. اۋعان ەلٸنەن كەيٸن كەرٸمباەۆ 22-شٸ ارنايى ماقساتتاعى بريگادا كومانديرٸنٸڭ ورىنباسارى, 546-شٸ ارنايى ماقساتتاعى وقۋ پولكٸنٸڭ كومانديرٸ بولىپ قىزمەت ەتتٸ. 1992 جىلى دەنساۋلىق جاعدايىنا بايلانىستى پولكوۆنيك ەسكەري اتاعىمەن قارۋلى كٷشتەر قاتارىنان شىعارىلدى.
2019 جىلى 12 اقپاندا ۇزاق اۋرۋدان كەيٸن بوريس كەرٸمباەۆ الماتى قالاسىندا ٶمٸردەن ٶتتٸ.
