الماتى پوليتسەيلەرٸ ەيەلگە قاراقشىلىق شابۋىل جاساعان ەر ادامدى ۇستادى, دەپ حابارلايدى "ۇلت اقپارات".
الماتى قالالىق پوليتسييا دەپارتامەنتٸ تاراتقان مەلٸمەتكە سەيكەس, بوستاندىق اۋدانى رادوستوۆەتس كٶشەسٸندەگٸ ٷيلەردٸڭ بٸرٸنەن «102» پۋلتٸنە ساعات 00:50-دە قوڭىراۋ كەلٸپ تٷسكەن. وندا كٶرشٸ پەتەردەن كٶمەك سۇراپ ايقايلاعان داۋىستى ەستٸگەنٸ ايتىلعان.
«بٸز سول مەكەنجايعا دەرەۋ جەتتٸك. ٷيدەگٸ ادام ەسٸكتٸ اشپاي, ەشقانداي كٶمەك كەرەك ەمەس ەكەنٸن ايتتى. بٸراق, ەيەلدٸڭ داۋىسى ٷرەيلٸ بولىپ كٶرٸندٸ. سوندىقتان مەسەلەنٸڭ انىق-قانىعىنا كٶز جەتكٸزبەي, وقيعا ورنىنان كەتپەدٸك. ال ەسٸكتٸ اشۋدى سۇراعاندا, ەشكٸم جاۋاپ قاتپادى. ەرٸپتەسٸم كٸلت ساڭىلاۋىنان قاراعاندا بەتپەردە كيگەن ەر ادامنىڭ ەيەلدٸڭ تاماعىنا پىشاقتى تاقاپ تۇرعانىن بايقادى» - دەدٸ الماتى قالالىق پد جول-پاترۋلدٸك پوليتسييا پولكٸنٸڭ ينسپەكتورى نۇردوس تۇرلىبەك. وسىدان سوڭ پوليتسييا ٷيگە كٸرٸپ, كٷدٸكتٸنٸ ۇستاعان.
تەكسەرۋ بارىسىندا كٷدٸكتٸنٸڭ بۇرىن تٶرت رەت سوتتالعانى انىقتالدى.
قالالىق كريمينالدىق پوليتسييانىڭ مەلٸمەتٸنشە, كٷدٸكتٸ كٶشەدە قىزدىڭ سوڭىنان تٷسٸپ, ونىڭ پەتەرٸنە باسا-كٶكتەپ كٸرگەن. ٷيدە ەشكٸم بولماعان.
«ول پىشاقپەن قورقىتىپ, جەبٸرلەنۋشٸدەن قۇندى زاتتارى مەن اقشا بەرۋدٸ تالاپ ەتكەن. الايدا كٶرشٸنٸڭ دەر كەزٸندە حابار بەرۋٸ ارقاسىندا قاسكٶيدٸڭ قىلمىسى ٸسكە اسپادى. ول قاماۋعا الىندى. قىلمىستىق ٸس بوستاندىق اۋداندىق پوليتسييا باسقارماسىندا تەرگەلۋدە. وقيعا ورنىنان زاتتاي ايعاقتار الىنىپ, ٸس ماتەريالدارىنا تٸركەلدٸ», – دەدٸ الماتى قالالىق پد كريمينالدىق پوليتسييا باسقارماسىنىڭ باستىعى ەركٸن ٸڭكەروۆ.
