الماتى پد باسپاسٶز قىزمەتٸ ەيەلدٸ قاعىپ ٶلتٸرگەن پوليتسەيدەن جاۋاپ الۋ سەتٸنٸڭ ۆيدەوسىن جارييالادى, - دەپ حابارلايدى Tengrinews.kz.
قالالىق پاترۋلدٸك پوليتسييا پولكٸنٸڭ ينسپەكتورى باقتييار تٶلەۋتاي جول-كٶلٸك وقيعاسىنىڭ مەن-جايىن ايتتى.
ەسكە سالايىق, قايعىلى وقيعا 14 ماۋسىمدا تاڭەرتەڭ الاتاۋ اۋدانىندا بولعان.
"ساعات 6:45 شاماسىندا ٶتەمٸسۇلى كٶشەسٸمەن وڭتٷستٸك باعىتقا قاراي كەتٸپ بارا جاتقانىمدا, الدىمداعى اۆتوكٶلٸك سولعا قاراي بۇرىلماق بولىپ, مەن ول اۆتوكٶلٸكتەن قاشىپ, جول-كٶلٸك وقيعاسىن بولدىرماۋ ٷشٸن كٶلٸك جۋۋ جاققا بۇرىلىپ كەتتٸم. سول كەزدە الدىمدا تۇرعان ەيەل ادامدى بايقاۋسىزدا قاعىپ كەتتٸم", - دەدٸ ول.
پوليتسەي كٸنەسٸن تولىق مويىندادى, ول مارقۇمنىڭ وتباسىنا قايعىرىپ كٶڭٸل ايتتى.
بۇعان دەيٸن بۇل دەرەك قىلمىستىق كودەكستٸڭ 345-بابى بويىنشا تٸركەلگەنٸ حابارلانعان ەدٸ. ٸس الماتى پد انىقتاۋ باسقارماسىنىڭ ٶندٸرٸسٸندە. جٷرگٸزۋشٸمەن تەرگەۋ شارالارى جٷرگٸزٸلٸپ جاتىر.
