Almaty PD baspasóz qyzmeti áieldi qaǵyp óltirgen politseiden jaýap alý sátiniń videosyn jariialady, - dep habarlaidy Tengrinews.kz.
Qalalyq patrýldik politsiia polkiniń inspektory Baqtiiar Tóleýtai jol-kólik oqiǵasynyń mán-jaiyn aitty.
Eske salaiyq, qaiǵyly oqiǵa 14 maýsymda tańerteń Alataý aýdanynda bolǵan.
"Saǵat 6:45 shamasynda Ótemisuly kóshesimen ońtústik baǵytqa qarai ketip bara jatqanymda, aldymdaǵy avtokólik solǵa qarai burylmaq bolyp, men ol avtokólikten qashyp, jol-kólik oqiǵasyn boldyrmaý úshin kólik jýý jaqqa burylyp kettim. Sol kezde aldymda turǵan áiel adamdy baiqaýsyzda qaǵyp kettim", - dedi ol.
Politsei kinásin tolyq moiyndady, ol marqumnyń otbasyna qaiǵyryp kóńil aitty.
Buǵan deiin bul derek Qylmystyq kodekstiń 345-baby boiynsha tirkelgeni habarlanǵan edi. Is Almaty PD anyqtaý basqarmasynyń óndirisinde. Júrgizýshimen tergeý sharalary júrgizilip jatyr.
