الماتىدا مەتسەناتتاردى قولداۋ ماقساتىندا تٶرتٸنشٸ رەت ٶتكٸزٸلگەن «جومارت جٷرەك» بايقاۋىنىڭ لاۋرەاتتارى ماراپاتتالدى, دەپ حابارلايدى قازاقپارات.
بٷگٸن الماتىدا جىل سايىنعى «جومارت جٷرەك» بايقاۋىنىڭ قورىتىندىسى شىعارىلدى. «جومارت جٷرەك» بايقاۋى قازاقستان رەسپۋبليكاسىنىڭ تۇڭعىش پرەزيدەنتٸ – ەلباسى نۇرسۇلتان نازارباەۆتىڭ «رۋحاني جاعىرۋ» باعدارلاماسى اياسىندا قۇرىلدى جەنە مەملەكەت باسشىسى قاسىم-جومارت توقاەۆ العا قويعان كەسٸپكەرلەر مەن جەكە تۇلعالاردىڭ قايىرىمدىلىق جوبالارىنا قاتىسۋلارىن جاناما ىنتالاندىرۋ تەتٸكتەرٸن ەنگٸزۋ مەسەلەسٸن شەشۋگە مٷمكٸندٸك بەرەدٸ.
بايقاۋدىڭ باستى ماقساتى — ەڭ جارقىن جەنە ماڭىزدى قوعامدىق باستامالاردىڭ وڭ تەجٸريبەسٸن دەرٸپتەۋ ارقىلى قايىرىمدىلىق جاساۋدى ىنتالاندىرۋ جەنە دامىتۋ.
الماتى ەكٸمٸنٸڭ ورىنباسارى ەرجان باباقۇماروۆ بايقاۋدىڭ لاۋرەاتتارىن ماراپاتتاپ, حالىقتىڭ ەل-اۋقاتىن جاقسارتۋعا جەنە قالانىڭ گٷلدەنۋٸنە قوسقان ٷلەستەرٸ ٷشٸن العىسىن بٸلدٸردٸ.
بيىل الماتىدا قالانىڭ ينفراقۇرىلىمىن اباتتاندىرۋ مەن جاقسارتۋ بويىنشا ٸرٸ ەلەۋمەتتٸك جوبالار جٷزەگە اسىرىلدى. الماتىنىڭ مەتسەناتتارى تٷرلٸ باعىتتار – بٸلٸم, سپورت, مەدەنيەت بويىنشا بارىنشا اۋقىمدى قايىرىمدىلىق شاراسىن جٷزەگە اسىردى.
سىيلىقتار بەس نوميناتسييا بويىنشا تابىستالدى.
بايقاۋدىڭ جەڭٸمپازدارى:
جىل تۇلعاسى - بەلسەندٸ قايىرىمدىلىق قىزمەتٸ ٷشٸن – سىرىمبەك تاۋ, «Daco Motors KZ» جشس باس ديرەكتورى. مەتسەنات 8 500 وتباسىعا ازىق-تٷلٸك سەبەتتەرٸ مەن مەديتسينالىق قىزمەتكەرلەرمەن قامتاماسىز ەتۋ ارقىلى كٶمەكتەستٸ. ناۋقاس بالالارعا ارنالعان وڭالتۋ ورتالىعىنىڭ قۇرىلىسىنا 20 ميلليون تەڭگە بٶلدٸ. «مەكتەپكە جول» باعدارلاماسى اياسىندا 100 بالاعا وقۋ قۇرالدارىن, 10 پلانشەت پەن 5 نوۋتبۋك الىپ بەردٸ. ٷش وتباسىنىڭ تۇرعىن ٷي ساتىپ الۋ ٷشٸن باستاپقى تٶلەمٸنٸڭ 30%-ىن تٶلەدٸ, بالالار ٷيٸنە, «ساۋران», «الاتاۋ» قايىرىمدىلىق قورلارىنا كٶمەك كٶرسەتەدٸ.
جىل مەتسەناتى – بەلسەندٸ مەتسەناتتىق قىزمەتٸ ٷشٸن – دولكۋنتاي ابدۋلحاليل, «METALL PROM GROUP» جشس ديرەكتورى. كومپانييا ٶمٸرلٸك قيىن جاعدايعا تاپ بولعان 5 مىڭ وتباسىعا ازىق-تٷلٸك سەبەتتەرٸ تٷرٸندە كٶمەك كٶرسەتتٸ. ول الماتىداعى جاس سپورتشىلارعا جەنە بٸرقاتار سپورت كلۋبتارىنا دەمەۋشٸلٸك جاسايدى. جاسٶسپٸرٸمدەر اراسىنداعى رەسپۋبليكالىق جارىستاردى ۇيىمداستىرۋعا دەمەۋشٸلٸك كٶرسەتتٸ. دولكۋنتاي ابدۋلحاليل بيىل قايىرىمدىلىققا بارلىعى 88,7 ملن تگ بٶلدٸ.
تۋعان ٶلكە – كٸشٸ وتاندى قولداۋ بويىنشا ەلەۋمەتتٸك ماڭىزى بار جوبالاردى جٷزەگە اسىرعانى ٷشٸن – مۇحامەتحان سابىرجان. ول 4 بالالار سپورت الاڭىنىڭ قۇرىلىسىنا دەمەۋشٸلٸك جاسادى, مۇقتاج وتباسىلارعا ٷيلەرٸن جٶندەۋگە 4 ملن تگ كٶلەمٸندە كٶمەك كٶرسەتتٸ.
جىلدىڭ ٷزدٸك ۇيىمى – قايىرىمدىلىق باعدارلاماسىن تيٸمدٸ ٸسكە اسىرۋ ٷشٸن – جشس «BAZIS-A Corp». كومپانييا بوستاندىق اۋدانىنداعى №146 مەكتەپكە 300 بالاعا ارنالعان قوسالقى كورپۋستى ٶز قارجىسىنا سالدى. كەسٸپورىن №65 مەكتەپ اۋماعىندا 300 ورىندى كورپۋس سالۋدى جوسپارلاپ وتىر.
جىلدىڭ ٷزدٸك قامقورشىسى – ەلەۋمەتتٸك ماڭىزدى ٶزگەرٸستەر مەن تٷرلەندٸرۋ بويىنشا قايىرىمدىلىق كٶمەگٸ ٷشٸن – «كومەتا» جشس. كومپانييا قايىرىمدىلىق شارالارىنا قاتىستى, مٷمكٸندٸگٸ شەكتەۋلٸ بالالارعا كٶمەك كٶرسەتەدٸ, موبيلدٸ اۋرۋحانالارعا سۋ جەتكٸزۋگە دەمەۋشٸلٸك كٶمەك رەتٸندە 10 ملن قارجى بٶلدٸ. ولار №1 بالالار ٷيٸنە, «جانۇيا» ارنايى كەشەنٸنە, №123, 149 بالاباقشالارعا جەنە پەدياترييانىڭ عىلىمي ورتالىعىنا ٷنەمٸ كٶمەك كٶرسەتەدٸ.
«بٸزدٸڭ كومپانييا قايىرىمدىلىقپەن 10 جىل بويىنا اينالىسىپ كەلەدٸ. بٸز بالالار ٷيٸنە كٶمەكتەسەمٸز, ينتەراكتيۆتٸ تاقتالار, وقۋ ويىندارى مەن كٸتاپتار ساتىپ الدىق, بالالارعا ارنالعان تەگٸن سپورت زالىن اشتىق, وتباسىلارعا ٷي سالۋعا كٶمەكتەستٸك. بۇل ماراپات مەن ٷشٸن ٷلكەن موتيۆاتسييا. جوعارى باعا قالاعا, بٸزدٸڭ تۇرعىندارعا كٶمەكتەسۋگە دەگەن ۇمتىلىستى ودان ەرٸ ارتتىرادى», — دەدٸ دولكۋنتاي ابدۋلحاليل.
ايتا كەتەرلٸگٸ, مەتسەناتتار مەگاپوليس پەن ونىڭ تۇرعىندارىنا تۇراقتى تٷردە كٶمەك كٶرسەتەدٸ. دەمەك, ۇيىمداستىرۋشىلار اتاپ ٶتكەندەي, مۇنداي ٸس-شارالار بيزنەس-قۇرىلىمداردىڭ, مەتسەناتتاردىڭ, ٷكٸمەتتٸك ەمەس ۇيىمداردىڭ ٶكٸلدەرٸ مەن ەرٸكتٸلەردٸ جاقسى ٸستەر جاساۋعا ىنتالاندىرادى جەنە مەيٸرٸمدٸلٸك يدەياسىن ناسيحاتتايدى.
