الماتى پوليتسيياسى ازاماتتاردى الداپ, 400 ملن تەڭگەسٸن قولدى ەتكەن ەر ادامدى قاماۋعا الدى, دەپ حابارلايدى "ۇلت اقپارات".
قالالىق پد تەرگەۋ باسقارماسى 43 جاستاعى شقو تۋماسىنا قاتىستى تەرگەۋ امالدارىن باستادى.
ول 2014 جىلدان باستاپ ەلگە «حان تەڭٸرٸ» تۇرعىن ٷي كەشەنٸنەن مەملەكەتتٸك باعدارلامامەن جالعا بەرٸلەتٸن ٷي الىپ بەرەمٸن دەپ ۋەدە ەتكەن. سونىمەن قاتار, ەلەكتروندى ساۋدادان جەر ۋچاسكەلەرٸن, كٶلٸك الىپ بەرەمٸن دەپ الداعان.
وسىلايشا 400 ملن تەڭگە ماتەريالدىق شىعىن كەلتٸرگەن.
«بۇل دەرەك بويىنشا قر قك 190-بابىنىڭ 4-بٶلٸمٸمەن سوتقا دەيٸنگٸ تەرگەۋ امالدارى باستالدى. مامانداندىرىلعان اۋدانارالىق ەكونوميكالىق سوتىنىڭ شەشٸمٸمەن كٷدٸكتٸنٸ قاماۋ تۋرالى بۇلتارتپاۋ شاراسى قابىلداندى», – دەدٸ پد بٶلٸم باسشىسى ەدٸل سالاەۆ.
پوليتسييا وسى ادامنىڭ ەرەكەتٸنەن زارداپ شەككەن ادام بولسا, 261-84-90, 254-40-59, 8-775-284-55-56 تەلەفوندارىنا حابارلاسۋىن سۇرايدى.
