الماتىدا 85 جاستاعى ەجە نۇر-مٷبەراك ۋنيۆەرسيتەتٸنە وقۋعا تٷستٸ دەپ حابارلايدى Ult.kz 31 ارنانىڭ ينفورمبيۋرو باعدارلاماسىنا سٸلتەمە جاساپ.
بٸلٸم الۋ ەشقاشان كەش ەمەس. الماتىدا 85 جاستاعى ەجە نۇر-مٷبەراك ۋنيۆەرسيتەتٸنە وقۋعا تٷستٸ, دەپ حابارلادى 31 ارنانىڭ ينفورمبيۋرو اقپاراتتىق باعدارلاماسى.
كەيۋانا يسلامتانۋ ماماندىعىن تاڭداپتى. ۋنيۆەرسيتەت باسشىلىعى نۇريحان ەجەگە بٸر جىل شارتتى تٷردە اقىلى بٶلٸمدە بٸلٸم الۋعا رۇقسات بەرگەن ەكەن. ال قارييا قاڭتار ايىندا تاعى بٸر مەرتە ۇبت تاپسىرادى. ەگەر سىناقتان ويداعىداي ٶتسە, تٶرت جىلدىق تولىققاندى بٸلٸمگە جول اشىلادى.
ايتا كەتەيٸك, نۇريحان ەجە بۇعان دەيٸن ۇلتتىق بٸرىڭعاي تەستٸلەۋگە قاتىسقانىمەن, كومپيۋتەردٸ مەڭگەرۋ داعدىسى جەتكٸلٸكسٸز بولعاندىقتان ٶتە الماعان ەدٸ. سوعان قاراماستان بٸلٸمگە دەگەن قۇشتارلىعى جاستارعا ٷلگٸ بولدى.
