بيىل اقساي, ٷلكەن جەنە كٸشٸ الماتى ٶزەندەرٸنٸڭ باسسەيندەرٸندەگٸ 8 كٶلدٸ بوساتۋ جۇمىستارى جٷرگٸزٸلەدٸ. بۇل تۋرالى قالالىق تٶتەنشە جاعدايلار دەپارتامەنتٸنٸڭ باسپاسٶز قىزمەتٸ مەلٸم ەتتٸ, دەپ حابارلايدى "ۇلت اقپارات".
«الماتى ماڭىندا 45 مورەنالىق جەنە مۇزدىق كٶل ورنالاسقان, ولاردىڭ ٸشٸندە اسا قاۋٸپتٸسٸ – 12. الماتى قالاسىنىڭ اۋماعىندا سەلمەن كٷرەسۋدٸڭ ەڭ تيٸمدٸ ەدٸسٸ - مورەنالىق كٶلدەردٸ بوساتۋ بويىنشا الدىن الۋ جۇمىستارىن جٷرگٸزۋ. بيىل اقساي, ٷلكەن جەنە كٸشٸ الماتى ٶزەندەرٸنٸڭ باسسەيندەرٸندەگٸ 8 كٶلدٸ بوساتۋ جۇمىستارى باستالدى»,-دەلٸنگەن حابارلامادا.
قازٸرگٸ ۋاقىتتا 8 كٶلدە جۇمىسقا 90 ادام كٸرٸسۋگە دايىن. بۋلدوزەرلەر ٸسكە قوسىلادى, ەۆاكۋاتسييالىق ارنالاردى تازارتۋ جەنە تەرەڭدەتۋ, سيفون قۇبىرلارىن ورناتۋ جەنە مونتاجداۋ, سونداي-اق سورعى قوندىرعىلارىن ٸسكە قوسۋ بويىنشا جۇمىستار جٷرگٸزۋ جوسپاردا.
وسى ماقساتتا ٶنٸمدٸلٸگٸ جوعارى 9 دانا سورعى, 2000 مەتر پوليەتيلەن قۇبىرلارى دايىندالدى, ولار 2019 جىلى الماتى قالاسى ەكٸمدٸگٸنٸڭ قولداۋىمەن ساتىپ الىندى.
«مورەنالىق كٶلدەردٸڭ جاي-كٷيٸنە باقىلاۋ جٷرگٸزۋ ٷشٸن تۇراقتى نەگٸزدە جۇمىس ٸستەيتٸن 9 بەكەتكە قوسىمشا – 12 بيٸك تاۋلى ماۋسىمدىق بەكەتتەر قويىلعان. سەل قاۋپٸ بار كەزەڭدە بارلىعى 21 بەكەت جۇمىس ٸستەيتٸن بولادى. ايتا كەتۋ كەرەك, 2020 جىلى 7 مورەنالىق كٶلدە اعىزۋ كانالدارى ارقىلى, ولاردى تازارتۋ جەنە تەرەڭدەتۋ جولىمەن, سونداي-اق سيفون قۇبىرلارىنان – 5,2 ملن.م3 سۋ تارتىپ شىعارىلدى»,-دەپ اتاپ ٶتتٸ ۆەدومستۆادان.
ەلەمدٸك تەجٸريبەنٸ ەسكەرە وتىرىپ, «تسيفرلىق قازاقستان» مەملەكەتتٸك باعدارلاماسى شەڭبەرٸندە جەنە «Smart-city» بازاسىندا ەكٸمدٸكتٸڭ قولداۋىمەن كٸشٸ جەنە ٷلكەن الماتى, قارعالى جەنە اقساي ٶزەندەرٸنٸڭ باسسەيندەرٸندە سەل قاۋپٸنٸڭ اۆتوماتتاندىرىلعان مونيتورينگٸ جٷيەسٸن ەنگٸزۋ بويىنشا جۇمىستار جٷرگٸزٸلۋدە.
2019 جىلى بٸرٸنشٸ كەزەڭدٸ ٸسكە اسىرۋ شەڭبەرٸندە كٸشٸ جەنە ٷلكەن الماتى ٶزەندەرٸ باسسەيندەرٸنٸڭ مورەنالىق كٶلدەرٸندە, بٶگەتتەرٸندە, سەل وشاقتارىندا جەنە ٶزەن ارنالارىندا 10 ستانتسييا سالىندى, سونداي-اق «قازسەلدەنقورعاۋ» اقپتب مم جەنە الماتى قالاسىنىڭ تجد باعدارلامالىق قامتاماسىز ەتۋ ەزٸرلەندٸ جەنە ديسپەتچەرلٸك ورىندار قۇرىلدى.
«بيىل قالعان 21 ستانتسييانىڭ قۇرىلىسىن اياقتاۋ جوسپاردا. قالاداعى سەل قاۋپٸنٸڭ اۆتوماتتاندىرىلعان مونيتورينگ جٷيەسٸ ناقتى ۋاقىت رەجيمٸندە گيدرومەتەورولوگييالىق جاعدايدى, مورەنالىق كٶلدەردٸ باقىلاۋدى قاشىقتىقتان قامتاماسىز ەتۋگە مٷمكٸندٸك بەرەدٸ. الماتى قالاسىنداعى سەل جاعدايى ەرەكشە باقىلاۋدا», - دەلٸنگەن حابارلامادا.
