فوتو: الماتى قالالىق پد باسپاسٶز قىزمەتٸ
الماتىدا 7 ملن تەڭگە ايىپپۇلى بار كٶلٸك جٷرگٸزۋشٸسٸ ۇستالدى, دەپ حابارلايدى «ۇلت اقپارات» پد باسپاسٶز قىزمەتٸنە سٸلتەمە جاساپ.
الماتىنىڭ 19 جاستاعى تۇرعىنى جول ەرەجەسٸن ٶرەسكەل بۇزعان بولىپ شىقتى. ونى پوليتسەيلەر قالانىڭ مەدەۋ اۋدانىنداعى دوستىق داڭعىلى بويىندا ۇستادى.
"بۇل جولى دا “قورعاۋ – قاۋٸپتٸ جٷرگٸزۋشٸ” اۆتوماتتاندىرىلعان جٷيەسٸ تيٸمدٸ پايدالانىلدى. از ۋاقىت ٸشٸندە كٶلٸك جٷرگٸزۋشٸسٸ 195 رەت جول ەرەجەسٸن بۇزعان. ايىپپۇلدىڭ جالپى سوماسى شامامەن 7 ميلليون تەڭگەنٸ قۇرادى. ونىڭ ٷستٸنە كەي جاعدايدا, ٶكٸنٸشكە قاراي, جٷرگٸزۋشٸ جالعان نٶمٸردٸ پايدالانىپ, كٶلٸكتٸڭ جىلدامدىعىن 200 شاقىرىمعا دەيٸن ٷدەتكەن. كٶلٸكتٸڭ ٶزٸ كٶرشٸ قىرعىزستاندا تٸركەلگەن. سوت قاۋلىسىمەن كٶلٸك جٷرگٸزۋشٸسٸ ەكٸمشٸلٸك قاماققا الىندى, ونىڭ كٶلٸگٸ مامانداندىرىلعان ايىپپۇل تۇراعىنا قويىلدى. جٷرگٸزۋشٸ بارلىق ايىپپۇلدارىن تولىعىمەن تٶلەۋگە مٸندەتتٸ بولادى", – دەدٸ الماتى قالالىق پوليتسييا دەپارتامەنتٸ باستىعىنىڭ ورىنباسارى نۇرلان امانبەك.
الماتى پوليتسيياسى جازانىڭ بۇلتارتپاستىعى قاعيداسىن تاعى دا ەسكە سالىپ, جول قوزعالىسىنا قاتىسۋشىلاردى جول قوزعالىسى ەرەجەلەرٸن قاتاڭ ساقتاۋعا شاقىردى.
