Foto: Almaty qalalyq PD baspasóz qyzmeti
Almatyda 7 mln teńge aiyppuly bar kólik júrgizýshisi ustaldy, dep habarlaidy «Ult aqparat» PD baspasóz qyzmetine silteme jasap.
Almatynyń 19 jastaǵy turǵyny jol erejesin óreskel buzǵan bolyp shyqty. Ony politseiler qalanyń Medeý aýdanyndaǵy Dostyq dańǵyly boiynda ustady.
"Bul joly da “Qorǵaý – qaýipti júrgizýshi” avtomattandyrylǵan júiesi tiimdi paidalanyldy. Az ýaqyt ishinde kólik júrgizýshisi 195 ret jol erejesin buzǵan. Aiyppuldyń jalpy somasy shamamen 7 million teńgeni qurady. Onyń ústine kei jaǵdaida, ókinishke qarai, júrgizýshi jalǵan nómirdi paidalanyp, kóliktiń jyldamdyǵyn 200 shaqyrymǵa deiin údetken. Kóliktiń ózi kórshi Qyrǵyzstanda tirkelgen. Sot qaýlysymen kólik júrgizýshisi ákimshilik qamaqqa alyndy, onyń kóligi mamandandyrylǵan aiyppul turaǵyna qoiyldy. Júrgizýshi barlyq aiyppuldaryn tolyǵymen tóleýge mindetti bolady", – dedi Almaty qalalyq politsiia departamenti bastyǵynyń orynbasary Nurlan Amanbek.
Almaty politsiiasy jazanyń bultartpastyǵy qaǵidasyn taǵy da eske salyp, jol qozǵalysyna qatysýshylardy jol qozǵalysy erejelerin qatań saqtaýǵa shaqyrdy.
