فوتوكوللاج: Liter.kz
الماتىدا جىل باسىنان بەرٸ ەسٸرتكٸ تاراتۋمەن اينالىسقان 670 سايت پەن Telegram-ارنا انىقتالىپ, بۇعاتتالدى. بۇل جۇمىس پوليتسييا مەن ەرٸكتٸلەردٸڭ بٸرلەسكەن ەرەكەتٸنٸڭ نەتيجەسٸندە جٷزەگە اسقان, دەپ حابارلايدى Ult.kz.
الماتى قالالىق پوليتسييا دەپارتامەنتٸنٸڭ ەسٸرتكٸ قىلمىسىنا قارسى ٸس-قيمىل باسقارماسىنىڭ جەدەل ۋەكٸلٸ سۇلۋشاش دوسبولوۆانىڭ ايتۋىنشا, ناركورەسۋرستار بٸرنەشە ارنا ارقىلى انىقتالادى. اتاپ ايتقاندا, ەلەۋمەتتٸك جەلٸلەرگە جٷرگٸزٸلەتٸن تۇراقتى مونيتورينگ, ازاماتتاردىڭ شاعىمدارى, سەنٸم تەلەفونىنا كەلٸپ تٷسكەن حابارلامالار جەنە «E-ٶتٸنٸش» پلاتفورماسى ارقىلى الىنعان مەلٸمەتتەر ەسكەرٸلەدٸ.
سونىمەن قاتار زاڭسىز رەسۋرستار جەدەل ارنالار ارقىلى دا انىقتالىپ وتىرادى. جينالعان اقپارات «كيبەرنادزور» جٷيەسٸنە جٸبەرٸلٸپ, سودان كەيٸن سايتتاردى بۇعاتتاۋ شاراسى قولعا الىنادى.
پوليتسييا ٶكٸلٸنٸڭ ايتۋىنشا, كەيبٸر سايتتار بٸردەن جابىلا بەرمەيدٸ. ٶيتكەنٸ ولار ارقىلى ەسٸرتكٸ تاراتۋمەن اينالىسقان ادامداردى انىقتاۋ ٷشٸن جەدەل جۇمىستار جٷرگٸزٸلەدٸ.
سونداي-اق پوليتسييا تۇرعىنداردى دا بۇل ٸسكە بەيجاي قاراماۋعا شاقىرىپ وتىر. ەگەر ينتەرنەتتە ەسٸرتكٸ ساتاتىن سايتتى, Telegram-ارنانى نەمەسە ەسٸرتكٸنٸ جارنامالاپ جاتقان اككاۋنتتاردى بايقاساڭىز, ارنايى WhatsApp نٶمٸرٸنە نەمەسە Narko Shekteu Almaty Telegram-ارناسىنا حابار بەرۋگە بولادى.
ايتا كەتەيٸك, قازاقستاندا ەسٸرتكٸگە قارسى جٷرگٸزٸلٸپ جاتقان تسيفرلىق تەجٸريبە شەتەلدٸك مامانداردىڭ دا قىزىعۋشىلىعىن تۋدىرىپ وتىر.
