الماتى قالاسىندا بٸر تەۋلٸكتە 3 444 ادام كوروناۆيرۋس ۆاكتسيناسىن سالدىردى. بۇل تۋرالى قالالىق قوعامدىق دەنساۋلىق ساقتاۋ باسقارماسى مەلٸم ەتتٸ, دەپ حابارلايدى قازاقپارات.
«29 جەلتوقسان كٷنٸ 3 444 الماتىلىق ۆاكتسينا سالدىردى. ۆاكتسينا سالدىرعاندار سانى بويىنشا الماتى قالاسى الدىڭعى ورىندا. بيىلعى جىلدىڭ 1 اقپانى مەن 29 جەلتوقسان ارالىعىندا قالادا 1 048 585 تۇرعىن ۆاكتسينانىڭ بٸرٸنشٸ كومپونەنتٸن, 1010 678 ادام ەكٸنشٸ كومپونەنتٸن سالدىرعان. ونىڭ ٸشٸندە 123 341 ادامنىڭ جاسى 60-تان اسقان», - دەپ حابارلادى باسقارمادان.
بٷگٸنگٸ تاڭدا Pfizer (Comirnaty) كومپانيياسىنىڭ ەكپەسٸن 29 744 ادام سالدىردى. ونىڭ ٸشٸندە 1 630 جٷكتٸ ەيەل, 5 942 بالا ەمٸزەتٸن انا جەنە 22 172 جاسٶسپٸرٸم بار.
رەۆاكتسيناتسييادان 63 538 الماتىلىق ٶتتٸ. قالادا 132 پۋنكت جۇمىس ٸستەپ تۇر. 756 ادامنان تۇراتىن 201 ەكپە بريگاداسى بار.
«قازٸر مەديتسينا ۇيىمدارىندا, مەكتەپتەردە, مەدەنيەت, سپورت وبەكتٸلەرٸندە, بازارلار مەن قالانىڭ سوسو-دا ۆاكتسيناتسييا پۋنكتٸ جۇمىس ٸستەيدٸ», - دەپ ناقتىلادى دەنساۋلىق ساقتاۋ باسقارماسىنىڭ باسپاسٶز قىزمەتٸ.
