الماتىلىق دەرٸگەرلەر 40 جاستاعى ەر ادامنىڭ باس ميىنا جوعارى تەحنولوگييالىق وپەراتسييا جاسادى, دەپ حابارلايدى قازاقپارات.
ورتالىق قالالىق كلينيكالىق اۋرۋحانانىڭ مەلٸمەتٸنشە, نەۆرولوگييا قابىلداۋ بٶلٸمشەسٸنە مي قاناينالىمىنىڭ جٸتٸ بۇزۋشىلىعى كٷدٸگٸمەن 1981 جىلى تۋعان پاتسيەنت كەلٸپ تٷستٸ.
ناۋقاستى اۋرۋحانانىڭ نەيروحيرۋرگٸ تەكسەرٸلٸپ, انگيوگرافييا كت جٷرگٸزدٸ. نەتيجيەسٸندە, الدىڭعى قوسىلعان كٷرە تامىرىنىڭ ٷزٸلگەن انەۆريزماسى انىقتالدى.
شۇعىل تٷردە نەيروحيرۋرگ-دەرٸگەر ەربول ماكەجانوۆ جوعارى تەحنولوگييالىق وپەراتسييا جاسادى. ياعني قاپتى انەۆريزمانىڭ اسسيستەنتسييا باللونىمەن ەندوۆاسكۋليارلى ەمبوليزاتسييا جٷرگٸزدٸ.
دەرٸگەردٸڭ ايتۋىنشا, ەندوۆاسكۋليار نەيروحيرۋرگييانىڭ زاماناۋي تەحنولوگييالارى بۇل وپەراتسييالاردى باس سٷيەكتٸ تەسپەي جاساۋ مٷمكٸندٸگٸن بەرەدٸ.
«جامباس كٷرە تامىرى ارقىلى بٷكٸل اعزاسى بويىنشا ارنايى كاتەتەر سالىنىپ, انەۆريزماعا ەنەمٸز دە وندا ارنايى سپيرالداردى ورناتامىز, سودان سوڭ انەۆريزما قان اعىمىنان جانسىزدانىپ وسىلايشا قان قۇيىلۋ قاۋپٸنٸڭ الدى الىنادى. وپەراتسييا سەتتٸ ٶتتٸ. پاتسيەنت رەانيماتسييا بٶلٸمشەسٸندە ويانعاننان سوڭ اۋرۋعا شاعىمدانعان جوق. بۇرىننان مازاسىن العان باس ساقيناسىنىڭ اۋرۋى تولىعىمەن جويىلىپ, 10-شى تەۋلٸكتە پاتسيەنت اۋرۋحانادان شىعارىلدى» - دەدٸ ەربول ماكەجانوۆ.
سونىمەن قاتار, ول انەۆريزمانىڭ ٷزٸلۋٸ گەمورراگييالىق ينسۋلت, جٷيكە جٷيەسٸنٸڭ زاقىمدانۋى نەمەسە باس ميىنا قان كەتۋگە دەيٸن اپاراتىنىن اتاپ ٶتتٸ.
