سۋرەت: freepik
قازاقستان جوعارى وقۋ ورىندارى قاۋىمداستىعىنىڭ پرەزيدەنتٸ راحمان الشانوۆ بٷگٸن ەلوردادا ٶتكەن «ۋنيۆەرسيتەتتەردٸڭ جاڭا مودەلٸ» اتتى ۇلتتىق رەكتورلار مەكتەبٸنٸڭ جيىنىندا الماتى حوستەلٸندەگٸ ٶرت تۋرالى پٸكٸر بٸلدٸردٸ, دەپ حابارلايدى Kazinform.
«ٶتكەندە ٷلكەن جينالىستا دا ايتتىم. قاراساڭىز, نازارباەۆ ۋنيۆەرسيتەتٸنٸڭ بيۋدجەتٸن بۇعان دەيٸن ەشكٸم بٸلگەن جوق. ٶتكەندە ايتىلىپ قالدى. بٸر عانا سول ۋنيۆەرسيتەتتٸڭ بيۋدجەتٸ قازاقستانداعى بٷكٸل ۋنيۆەرسيتەتتەردٸڭ قاراجاتىنان ارتىق بوپ تۇر. ەرينە, جوعارى بٸلٸمدٸ دامىتۋ كەرەك بولدى. بٸراق قاشانعى وسىلاي بولا بەرەدٸ?! بٷگٸنگٸ تاڭدا مەملەكەت ەلٸ ولارعا بيۋدجەتتەن كٶمەكتەسٸپ وتىر. سوندا كەتكەن اقشانىڭ جارتىسىن ٷنەمدەيتٸن بولسا, قالاي بولار ەدٸ? ولاردىڭ ۋەجٸ بار, گارۆاردتا قانشاما بالانى وقىتقانشا ٶز ەلٸمٸزدە سول جاقتىڭ عالىمدارىن شاقىرتىپ وقىتامىز, سول ارقىلى اقشا ٷنەمدەيمٸز دەگەندٸ ايتادى. نازارباەۆ ۋنيۆەرسيتەتٸنٸڭ بيۋدجەتٸن بٸر ستۋدەنتكە شاققان كەزدە 240 مىڭ دوللار ەكەن. ال گارۆاردتا 40 مىڭ دوللار عانا. بٸزدە 6 ەسە جوعارى. سوندا بٸز گارۆاردتان 6 ەسە كٶپ مامان دايىنداپ جاتىرمىز با? اقشانىڭ بەرٸ قايدا كەتٸپ جاتىر? تەكسەرەتٸن ورگاندار سونى تەكسەرسٸن», – دەيدٸ عالىم.
ونىڭ ايتۋىنشا, بٸر جاتاقحانا سالۋعا 2 ملرد تەڭگە كەتەدٸ.
«نازارباەۆ ۋنيۆەرسيتەتٸنٸڭ جىلدىق بيۋدجەتٸنٸڭ جارتىسىن ٷنەمدەيتٸن بولسا, 100 جاتاقحانا سالۋعا بولاتىن ەدٸ. ال 100 جاتاقحانا دەگەن - 5 مىڭ ستۋدەنتتٸڭ پاناسى. سوندا كەشەگٸ حوستەلدەگٸدەي وقيعا بولمايتىن ەدٸ. الماتىدا قازٸر 40 مىڭ بالا دالادا جٷر. امالسىزدان حوستەلگە بارادى. «كەرەك, كەرەك», - دەپ سانيتارييالىق نورمانى, تالاپتاردى تٶمەندەتتٸك. سونىڭ سالدارىنان وسىنداي جاعداي بولدى», – دەدٸ قاۋىمداستىق پرەزيدەنتٸ.
