الماتىدا جاسىل قوردى ساۋىقتىرۋ بويىنشا جۇمىستار جالعاسۋدا , بيىل 265 مىڭ اعاش وتىرعىزىلادى.
«اعىمداعى جىلى 265 مىڭ اعاش وتىرعىزۋ جوسپارلانعان. بٸرٸنشٸ كەزەكتە وبلىسقا شەكارالاس ورنالاسقان ناۋرىزباي جەنە الاتاۋ اۋداندارىنا ەرەكشە نازار اۋدارىلاتىن بولادى. قالانىڭ جاسىل ەكونوميكا باسقارماسىنىڭ مەلٸمەتٸ بويىنشا 2019 جىلى #JasylAlmaty اكتسيياسى اياسىندا 135 مىڭ جاسىل جەلەك وتىرعىزىلدى. اعاشتار كٶپشٸلٸك جينالاتىن اۋماقتارعا, ونىڭ ٸشٸندە مەكتەپتەردٸڭ, اۋرۋحانالاردىڭ اينالاسىنا, «موحناتكا», «كٶكتٶبە» تاۋلارىنىڭ بٶكتەرلەرٸنە, اتاكەنتتٸڭ, اتلەتتەر اۋىلى مەن «الاتاۋ» تەاترىنىڭ الاڭدارىنا وتىرعىزىلادى», دەپ حابارلادى الماتى ەكٸمدٸگٸ.
ماماندار اۋداندارداعى جاسىل جەلەكتٸ ساناپ شىقتى. ەڭ جاسىل ەلدٸ مەكەن مەدەۋ اۋدانىندا 472 مىڭنان استام اعاش بار. ال, ناۋرىزباي جەنە الاتاۋ اۋداندارىندا شامامەن 202 مىڭ جەنە 179 مىڭ اعاش ٶسٸپ تۇر. جاسىلداندىرۋ بويىنشا ەكٸنشٸ ورىندى تٷركسٸب اۋدانى يەلەنگەن, مۇندا 431,5 مىڭ تٷپ اعاش بار. بوستاندىق اۋدانىندا 380 مىڭ اعاش ٶسٸپ تۇر. ال, ەۋەزوۆ اۋدانىنداعى اعاشتار سانى 100 مىڭعا كەم, ياعني 255 مىڭعا جۋىق. جەتٸسۋ اۋدانىندا 220 مىڭنان استام, ال المالى اۋدانىندا 213 مىڭ اعاش بار.
ايتا كەتەرلٸگٸ, تەك كٶپشٸلٸك قولداناتىن جەردەگٸ اعاشتار عانا سانالدى. ياعني, جەكە اۋماقتارداعى, زيراتتارداعى, رەسپۋبليكالىق ماڭىزى بار جەرلەردەگٸ جاسىل جەلەك قوسىلماعان.
قالادا بارلىعى 2,352 ملن اعاش بار. ولاردىڭ ٸشٸندە ساۋىعىپ,جاپىراقتارىن كەڭگە جايعاندارى 1,8 ملن نەمەسە 76,5 پايىز. سوندىقتان اعاشتاردى زييانكەستەردەن قورعاۋ جەنە ساۋىقتىرۋ ٷشٸن ٶڭدەۋ جۇمىستارى جٷرۋدە. پرەپاراتتار اعاش جاپىراقتارىن كەمٸرەتٸن جەنە سورىپ تاستايتىن زييانكەس قۇرتتاردان قورعاۋدا. بۇل ٶڭدەگٸش زاتتار - ۇزاق مەرزٸمدٸ ەرٸ قورشاعان ورتاعا قاۋٸپسٸز.
