الماتىدا مونيتورينگ بارىسىندا 252 نىساندا ەپيەدميولوگييالىق قاۋٸپسٸزدٸك تالاپتارى ساقتالماعانى انىقتالدى. بۇل تۋرالى قالانىڭ باس سانيتارييالىق دەرٸگەرٸ جانداربەك بەكشين ايتتى, دەپ حابارلايدى قازاقپارات.
ونىڭ ايتۋىنشا, قالادا ەپيدەميولوگييالىق قاۋپٸ جوعارى 13,5 مىڭ نىسان تٸركەلگەن.
تەكسەرۋ بارىسىندا ولاردىڭ 252-سٸندە قاۋٸپسٸزدٸك تالاپتارى بۇزىلعانى انىقتالدى.
«بۇل بارلىق تەكسەرٸلگەن نىسانداردىڭ 9,6 پايىزىن قۇرايدى. ونىڭ ٸشٸندە 152 نىسان جۇمىسى توقتاتىلدى. 133 نىسان جۇمىسىن ٶزدٸگٸنەن توقتاتتى. 19 نىسان يەسٸ اۋداندىق دەپارتامەنت قاۋلىسىمەن جۇمىسىن توقتاتتى. ەڭ كٶپ تەكسەرۋ ەۋەزوۆ اۋدانىندا بولعان. 540 نىساننىڭ جۇمىسى باقىلاندى. بوستاندىق اۋدانىندا – 377, جەتٸسۋ اۋدانىندا 322 نىسان تەكسەرٸلدٸ. ەڭ تٶمەنگٸ باقىلاۋ كٶرسەتكٸشٸ تٷركسٸب اۋدانىندا تٸركەلدٸ. مۇندا - 221, ناۋرىزباي اۋدانىندا – 247, الاتاۋ اۋدانىندا 281 نىسان, مەدەۋ اۋدانىندا 306 نىساننىڭ جۇمىسى تەكسەرٸلگەن», - دەدٸ جانداربەك بەكشين.
