الماتى تۋريزم باسقارماسى قالالىق ديزاين-كود بويىنشا ەجەتحاناعا مودۋلدەرٸن جاساۋ جەنە ورناتۋعا قاتىستى تەندەر جارييالادى, دەپ حابارلايدى "ۇلت اقپارات".
قالادا ورتالىق كەرٸزگە جەنە سۋمەن جابدىقتاۋ جٷيەسٸنە قوسىلعان 20 ەجەتحانا ورناتىلادى. زاماناۋي ەجەتحانالار مىنا جەرلەرگە قويىلادى:
دوستىق داڭعىلى - 2 دانا, الماتى زووباعىنىڭ كٸرەبەرٸسٸندە - 1 دانا, كٶك بازاردىڭ قاسىندا - 2 دانا, مەملەكەتتٸك قۋىرشاق تەاترىندا - 1 دانا, «وتىرار» قوناق ٷيٸنٸڭ جانىنداعى سكۆەرگە - 1 دانا, الماتى قالاسىنىڭ ورتالىق مەشٸتٸنٸڭ جانىندا - 1 دانا, ارباتتا - 2 دانا, پانفيلوۆ كٶشەسٸندە - 1 دانا, استانا الاڭىندا - 1 دانا, ««اەروۆوكزال» سك - 1 دانا, «جاس قانات» الاڭى تيميريازەۆ پەن بۇقار جىراۋ كٶشەلەرٸنٸڭ اراسىندا - 1, ع.مٷسٸرەپوۆ اتىنداعى جاستار تەاترى - 1, «الاتاۋ» مەترو ستانساسى - 1, جاستار تەاترى - 1 , ا.بايتۇرسىنوۆ الاڭى - 1 , ٷلكەن الماتى كٶلٸ – 1, بۋتاكوۆ شاتقالى - 1 دانا.
سونىمەن بٸرگە ەجەتحانا مودۋلدەرٸن ورنالاستىرۋدى تاپسىرىس بەرۋشٸنٸڭ قالاۋى بويىنشا ٶزگەرتۋگە بولاتىندىعى ناقتىلانادى. ولاردى ورناتۋدىڭ ماقساتى - الماتى قالاسىنىڭ تۇرعىندارى مەن قوناقتارى ٷشٸن قولايلى جاعداي جاساۋ.
تەحنيكالىق سيپاتتاما بويىنشا, ەسٸكتەرٸ مەتاللدان جاسالعان, ەكٸ بٶلمەلٸ (ەرلەر مەن ەيەلدەرگە) ارنالعان.
ەجەتحانا اقىلى. تٶلەمدٸ جانىندا ورنالاسقان تەرمينال ارقىلى تٶلەيدٸ.
قازٸرگٸ ۋاقىتتا تەندەرگە قاتىسۋعا ٶتٸنٸمدەر قابىلداۋ جارييالاندى. سوماسى 178,5 ملن تەڭگە.
بۇعان دەيٸن, الماتىدا ديزاين-كود بويىنشا سالىناتىن ەجەتحانا ەسكيزدەرٸ تانىستىرىلعان بولاتىن. اۆتورلاردىڭ ايتۋىنشا, ەجەتحانا اۆتوماتتاندىرىلعان جٷيە بويىنشا جۇمىس ٸستەيدٸ. ەسٸگٸ جابىلعاننان كەيٸن 15 مينۋت ٶتكەن سوڭ, ەسكەرتۋ دىبىستىق دابىل قاعىلىپ, ەجەتحانا ەسٸكتەرٸ اۆتوماتتى تٷردە اشىلادى.
