الماتىدا 16386 وتباسى مەملەكەتتٸك جەردەماقى الادى, بۇل تۋرالى ەڭبەك, ەلەۋمەتتٸك قورعاۋ جەنە كٶشٸ-قون كوميتەتٸنٸڭ الماتى قالاسى بويىنشا دەپارتامەنتٸنٸڭ باستىعى ايدىنجان نارماتوۆ ايتتى, دەپ حابارلايدى "ۇلت اقپارات".
«الماتىدا 16386 كٶپبالالى وتباسى مەملەكەتتٸك جەردەماقى الادى. بٷگٸنگٸ كٷنگە دەيٸن 9000-نان استام وتباسىعا 411 ميلليون تەڭگە تٶلەندٸ. 15 قاڭتارعا دەيٸن بارلىق ادامدارعا جەردەماقى تٶلەۋ جوسپارلانعان», - دەيدٸ ايدىنجان نارماتوۆ.
ونىڭ ايتۋىنشا, ٶتكەن جىلى جەردەماقى تاعايىنداۋ ٷشٸن وتباسىنىڭ تابىس كٸرٸسٸ ەسكەرٸلگەن.
«2019 جىلى جەردەماقى وتباسىنىڭ كٸرٸسٸنە بايلانىستى تاعايىندالاتىن. جاڭا جىلدان باستاپ كٸرٸس ەسەپكە الىنبايدى. ياعني, ەگەر وتباسىندا 4 نەمەسە ودان كٶپ بالا بولسا, وندا بۇل وتباسىنا تابىسىنا قاراماستان اي سايىنعى جەردەماقى الۋعا كەپٸلدٸك بەرٸلەدٸ. ولاردىڭ مٶلشەرٸ بالالاردىڭ سانىنا بايلانىستى بولادى», - دەدٸ ول.
سونداي-اق, ول اەك-تٸ كٸمدەر الاتىنىن ايتتى.
«از قامتىلعان وتباسىلاردى انىقتايتىن ەڭ تٶمەنگٸ كٷنكٶرٸس شەگٸنەن 70 پايىزدىق ٶلشەمشارت سول كٷيٸ قالادى. وتباسىنىڭ ەربٸر مٷشەسٸنە اەك مٶلشەرٸ بۇعان دەيٸنگٸدەي وتباسىنىڭ جان باسىنا شاققانداعى ورتاشا كٸرٸسٸ مەن ەڭ تٶمەنگٸ كٷنكٶرٸس شەگٸنٸڭ 70 پايىزى اراسىنداعى ايىرما رەتٸندە انىقتالادى», - دەپ قورىتىندىلادى ايدىنجان نارماتوۆ.
