الماتىدا 4-7 ماۋسىم ارالىعىندا بەلگٸلەنگەن شەكتەۋلەردٸ بۇزعان 36 جاعداي انىقتالدى. دەمالىس كٷندەرٸ مونيتورينگٸلٸك توپتار كٷشەيتٸلگەن رەجيمدە جۇمىس ٸستەدٸ, دەپ حابارلايدى "ۇلت اقپارات".
الماتىدا مونيتورينگٸلٸك توپ ٶكٸلدەرٸ ماۋسىمنىڭ 4-ٸنەن 5-ٸنە قاراعان تٷنٸ بەلگٸلەنگەن شەكتەۋدٸ بۇزعان 19 جاعدايدى انىقتادى. اتاپ ايتار بولساق, ەۋەزوۆ اۋدانىنداعى «دوستار سارايى» مەيرامحاناسى 150 ادامعا ارنالعان ٷيلەنۋ تويىن ٶتكٸزگەن. سول ۋاقىتتا بوستاندىق اۋدانىنا قاراستى «Han Sarai» مەيرامحاناسىندا دا توي بولدى. مەدەۋ اۋدانىندا «The Monkey» كافەسٸندە 150-گە جۋىق ادام انىقتالسا, «نەبو» بارىندا 120-عا تارتا قوناق جينالىپ, زاڭبۇزۋشىلىققا جول بەرگەن.
ال 5-6 ماۋسىمدا 14 جاعداي تٸركەلدٸ:
ناۋرىزباي اۋدانىنداعى «يلحام» مەيرامحاناسىندا 150 قوناققا ەسەپتەلگەن سالتاناتتى ٸس-شارا ٶتكەن.
بوستاندىق اۋدانىنىڭ تەكسەرۋشٸلەرٸ «Hide Park» ويىن-ساۋىق پاركٸنٸڭ فۋدكورتىندا 150-گە جۋىق ادامنىڭ جينالعانىن انىقتادى.
مەدەۋ اۋدانىندا «اتموسفەرا» مەيرامحاناسىندا 150-گە جۋىق كەلۋشٸ بولعان. سونىمەن قاتار, «لەيد نايد شوۋدا» 200 ادام جينالعان.
جەكسەنبٸ كٷنٸ مەگاپوليستە 3 زاڭ بۇزۋشىلىق تٸركەلدٸ:
«دوس» كومپيۋتەرلٸك كلۋبىندا 40-قا جۋىق ادام وتىرسا, مەدەۋ اۋدانىنداعى «پينتا» بارىندا 100-گە جۋىق تۇرعىن جينالىپ, زاڭبۇزۋشىلىققا جول بەرگەن.
جالپى وسى جىلدىڭ 20 ناۋرىزى مەن 7 ماۋسىمى ارالىعىندا بەلگٸلەنگەن شەكتەۋلەردٸ بۇزعان 1088 جاعداي انىقتالدى.
الماتى ەكٸمدٸگٸ قالا تۇرعىندارى مەن قوناقتارىن كارانتين رەجيمٸن قاتاڭ ساقتاۋعا, جۇقتىرۋ قاۋپٸن ازايتۋ ماقساتىندا سالتاناتتى ٸس-شارالارعا, ادام كٶپ جينالاتىن جەردەن اۋلاق بولۋعا شاقىرادى.
