فوتو: Polisia.kz
الماتىدا بۇرىنعى تەرگەۋشٸ 14 قىلمىستى تٸركەۋدەن جاسىرىپ, زاڭسىز ەرەكەت جاساعانى ٷشٸن سوتتالدى, دەپ حابارلايدى Ult.kz.
ارنايى پروكۋرورلاردىڭ تەرگەۋٸ بويىنشا, ناۋرىزباي اۋدانى پوليتسييا باسقارماسىنىڭ بۇرىنعى قىزمەتكەرٸ قىلمىستىق قۇقىق بۇزۋشىلىقتار تۋرالى مەلٸمەت قولىندا بولعانىنا قاراماستان, ولاردى تٸركەۋدەن قاساقانا جاسىرىپ كەلگەن. بۇل ەرەكەت قىلمىستىق كودەكستٸڭ 433-بابىنىڭ 2-بٶلٸگٸ «اۋىر قىلمىستىق قۇقىق بۇزۋشىلىقتى جاسىرۋ» بويىنشا قارالدى.
«جٷرگٸزٸلگەن كەشەندٸ تەرگەۋ ەرەكەتتەرٸ ايىپتالۋشىنىڭ قۇقىققا قارسى ەرەكەتٸن تولىق دەلەلدەدٸ», – دەپ حابارلادى الماتى پروكۋراتۋراسى.
سوت ٷكٸمٸ بويىنشا بۇرىنعى تەرگەۋشٸ كٸنەلٸ دەپ تانىلىپ, مەملەكەتتٸك قىزمەتتە 3 جىلعا قىزمەت اتقارۋعا تىيىم سالىندى جەنە 2 جىلعا باس بوستاندىعى شەكتەلدٸ. سونىمەن قاتار ول «پوليتسييا لەيتەنانتى» ارناۋلى اتاعىنان ايىرىلدى.
