الماتى قالاسىندا بٸر تەۋلٸكتە 892 ادام كوروناۆيرۋسقا قارسى ۆاكتسينا سالدىردى. بۇل تۋرالى قالالىق قوعامدىق دەنساۋلىق ساقتاۋ باسقارماسىنان مەلٸم ەتتٸ, دەپ حابارلايدى قازاقپارات.
«21 قاراشا كٷنٸ 892 الماتىلىق ۆاكتسينا سالدىردى, ەكپەنٸڭ ٸ كومپونەنتٸن – 489, II كومپونەنتٸن 403 ادام الدى. ۆاكتسينا سالدىرعاندار سانى بويىنشا الماتى قالاسى الدىڭعى ورىندا تۇر. بيىلعى جىلدىڭ 1 اقپانى مەن 21 قاراشاسى ارالىعىندا قالادا 1 016 889 تۇرعىن ۆاكتسينانىڭ بٸرٸنشٸ كومپونەنتٸن, 969 923 ادام ەكٸنشٸ كومپونەنتٸن سالدىرعان. ونىڭ ٸشٸندە 121 828 ادامنىڭ جاسى 60-تان اسقان»,- دەپ حابارلادى باسقارمادان.
قالادا 132 پۋنكت جۇمىس ٸستەپ تۇر. 733 ادامنان تۇراتىن 205 ەگۋ بريگاداسى بار.
«قازٸر مەديتسينا ۇيىمدارىندا, مەكتەپتەردە, مەدەنيەت, سپورت وبەكتٸلەرٸندە, بازارلار مەن قالانىڭ ساۋدا, ويىن-ساۋىق ورتالىقتارىندا ۆاكتسيناتسييا پۋنكتەرٸ جۇمىس ٸستەيدٸ», - دەپ ناقتىلادى دەنساۋلىق ساقتاۋ باسقارماسىنىڭ باسپاسٶز قىزمەتٸنەن.
