فوتو: Polisia.kz
الماتى قالاسىندا “STOP بۇزۋشىلىق” تاقىرىبىندا اۋقىمدى جەدەل الدىن الۋ ٸس-شاراسى اياسىندا جولداردا جاسىرىن پاترۋلدەۋ فورماتى ەنگٸزٸلدٸ, – دەپ حابارلايدى Polisia.kz.
بۇل – پاترۋلدٸك پوليتسييا قىزمەتكەرلەرٸنٸڭ ازاماتتىق كيٸمدە, ارنايى بەلگٸلەرٸ جوق اۆتوكٶلٸكتەرمەن جالپى كٶلٸك اعىنىندا قوزعالىپ, قىزمەت اتقارۋىن بٸلدٸرەدٸ.
نەگٸزگٸ ماقسات – جول قوزعالىسى ەرەجەلەرٸن ٶرەسكەل بۇزۋ دەرەكتەرٸن انىقتاۋ, ەسٸرەسە اگرەسسيۆتٸ جٷرگٸزۋ فاكتٸلەرٸن ەشكەرەلەۋ. ولاردىڭ قاتارىندا كٷرت جولاق اۋىستىرۋ, "شاحمات" تەسٸلٸمەن جٷرۋ, باسقا كٶلٸكتەردٸ قىسىپ ٶتۋ جەنە اپاتتىق جاعدايلار تۋىنداتۋ سەكٸلدٸ قاۋٸپتٸ ەرەكەتتەر بار.
اتالعان قۇقىق بۇزۋشىلىقتاردى تٸركەي وتىرىپ, جاسىرىن پاترۋلدەر اقپاراتتى ناقتى ۋاقىت رەجيمٸندە جاقىن ماڭداعى پاترۋلدٸك پوليتسييا ەكيپاجدارىنا جولدايدى. كەيٸن سول ەكيپاجدار كٶلٸكتٸ توقتاتىپ, جٷرگٸزۋشٸنٸ زاڭنامادا بەلگٸلەنگەن تەرتٸپپەن جاۋاپكەرشٸلٸككە تارتادى.
بۇل تەجٸريبە ٶزٸنٸڭ تيٸمدٸلٸگٸن كٶرسەتتٸ. تەك ٶتكەن دەمالىس كٷندەرٸنٸڭ ٶزٸندە الماتى قالاسىندا اگرەسسيۆتٸ جٷرگٸزۋدٸڭ 28 دەرەگٸ انىقتالىپ, جولى كەسٸلدٸ. بارلىق قۇقىق بۇزۋشى جاۋاپكەرشٸلٸككە تارتىلدى.
پد مەلٸمەتٸنشە, جاسىرىن پاترۋلدەۋدٸ ەنگٸزۋ جٷرگٸزۋشٸلەردٸڭ تەرتٸبٸن ارتتىرۋعا جەنە جول-كٶلٸك وقيعالارىنىڭ الدىن الۋعا, ەسٸرەسە قاۋٸپتٸ جٷرگٸزۋ مەنەرٸنەن تۋىندايتىن اپاتتاردىڭ سانىن ازايتۋعا باعىتتالعان.
– جاسىرىن پاترۋلدەۋ – كٶزگە بٸردەن تٷسە بەرمەيتٸن ٶرەسكەل قۇقىق بۇزۋشىلىقتاردى انىقتاۋدىڭ تيٸمدٸ قۇرالى. پوليتسييا قىزمەتكەرلەرٸ جالپى كٶلٸك اعىنىندا جٷرٸپ, جٷرگٸزۋشٸلەردٸڭ ناقتى مٸنەز-قۇلقىن باقىلايدى. ەسٸرەسە اگرەسسيۆتٸ جٷرگٸزۋ – "شاحمات" تەسٸلٸمەن جٷرۋ, كٷرت مانەۆر جاساۋ جەنە ٶزگە دە قاۋٸپتٸ ەرەكەتتەر باستى نازاردا. مۇنداي فاكتٸلەر جەدەل تٷردە جاقىن ماڭداعى ەكيپاجدارعا جەتكٸزٸلٸپ, تيٸستٸ شارالار قابىلدانادى. بٸزدٸڭ مٸندەت – تەك جاۋاپكەرشٸلٸككە تارتۋ عانا ەمەس, قاۋٸپسٸز جٷرگٸزۋ مەدەنيەتٸن قالىپتاستىرۋ, – دەدٸ پد ەكٸمشٸلٸك پوليتسييا باسقارماسىنىڭ باستىعى ابدينۋر تاسىباەۆ.
