جاستاردىڭ باسپانا الۋىنا مٷمكٸندٸك بەرەتٸن "الماتى جاستارى" باعدارلاماسى 2022 جىلى دا جالعاسادى. بۇل تۋرالى الماتى ەكٸمٸ باقىتجان ساعىنتاەۆ ورتالىق كوممۋنيكاتسييالار قىزمەتٸندە ٶتكەن بريفينگتە ايتتى, دەپ حابارلايدى Sputnik قازاقستان.
"الماتى جاستارى" باعدارلاماسىن باستاعان كەزدە بٸر جىلدا توقتاتامىز دەپ جوسپارلاعان جوقپىز. 14 ميلليارد تەڭگەدەن باستادىق: بٸز 10 ميلليارد تەڭگە بەردٸك, "وتباسى بانك" 4 ميلليارد تەڭگە بەردٸ. بيىل باعا قىمباتتاعاننان كەيٸن ونى 18 ميللياردقا كٶتەردٸك: 14 ميلليارد تەڭگە ەكٸمشٸلٸك جەنە 4 ميلليارد تەڭگەنٸ "وتباسى بانك" بەردٸ", - دەدٸ قالا ەكٸمٸ.
قالا ەكٸمٸ باعدارلامانىڭ تيٸمدٸ تۇسى رەتٸندە جاستارعا پەتەردٸ قالانىڭ كەز كەلگەن جەرٸنەن الۋ مٷمكٸندٸگٸ بەرٸلگەنٸن اتاپ ٶتتٸ.
"بىلتىر جاستار 1000 پەتەر الدى, ونىڭ ٸشٸندە 300 مۇعالٸم, 300 دەرٸگەر, سپورتشىلار, جۋرناليستەر مەن عىلىم, مەدەنيەت سالاسىنىڭ قىزمەتكەرلەرٸ بار. بيىل دا 1000 ادام باسپانالى بولدى. كەلەسٸ جىلى دا بۇل باعدارلاما جالعاسىن تابادى, ٶتە ٷلكەن سۇرانىسقا يە", - دەدٸ الماتى ەكٸمٸ.
"الماتى جاستارى" باعدارلاماسى
باعدارلاماعا قاتىسۋشىلاردىڭ جاسى 35-تەن اسپاۋعا تيٸس, باعدارلاماعا ٶتٸنٸش بەرۋشٸ مەن ونىڭ وتباسى مٷشەلەرٸندە مەنشٸك قۇقىعىندا تۇرعىن ٷي بولماۋى كەرەك.
قاتىسۋشىنىڭ الماتى قالاسىنداعى رەسمي جۇمىس ٶتٸلٸ كەلەسٸدەي ماماندىقتاردا — دەنساۋلىق ساقتاۋ, بٸلٸم بەرۋ, مەدەنيەت, سپورت, ۋنيۆەرسيتەتتەر مەن عىلىمي-زەرتتەۋ ينستيتۋتتارى, بۇقارالىق اقپارات قۇرالدارى جەنە قۇقىق قورعاۋ ورگاندارى سيياقتى ساناتتاردا كەمٸندە سوڭعى 6 ايدى قۇراۋى كەرەك.
