الماتىنىڭ ناۋرىزباي اۋدانىندا رەزونانس تۋدىرعان وقيعا بولدى. جەكە ٷي سالۋ كەزٸندە ەر ادام بٸرنەشە گەكتار جەر مەن تاۋ ٶزەنٸنٸڭ بٸر بٶلٸگٸن يەمدەنٸپ, تٶرت باۋ-باقشا قاۋىمداستىعى تۇرعىندارىنا قاۋٸپ تٶندٸردٸ, - دەپ حابارلايدى Tengrinews.kz تٸلشٸسٸ "حابار 24" تەلەارناسىنا سٸلتەمە جاساپ.
ٶزەن قالانىڭ ناۋرىزباي اۋدانىنداعى تاۋجولى ىقشاماۋدانىنان ٶتەدٸ. ٸلە-الاتاۋ ۇلتتىق ساياباعى اۋماعىنا جاقىن. بۇل جەر قاۋٸپتٸ دەپ سانالادى: سول ماڭداعى اقساي شاتقالىندا كٷشتٸ سەل جٷرگەن بولاتىن. بٸراق بۇل ٷي سالىپ جاتقان جەرگٸلٸكتٸ تۇرعىندى توقتاتپاعان. ول ٶز ۋچاسكەسٸن 8 گەكتاردان 25 گەكتارعا دەيٸن زاڭسىز كەڭەيتٸپ, ٶزەننٸڭ بٸر بٶلٸگٸ اۋلاسىنان اعىپ ٶتەتٸندەي ەتٸپ جاساعان. ول ارنانى بەتونداپ, شليۋز مەحانيزمٸن تەمٸرگە ٶتكٸزٸپ جٸبەرگەن.
"ال وندا سۋ قۇبىرلارى بار - تٶرت باۋ-باقشا قاۋىمداستىعىنىڭ اۋىزسۋى. ول كەڭەس زامانىنان بەرٸ سۋ تاسقىنى بولعاندا سۋ اعۋىن رەتتەيدٸ - قاقپالارى اشىلىپ, ارتىق سۋدى اعىزىپ جٸبەرەدٸ. قازٸر قىركٷيەك, ال ناۋرىزدا, سەۋٸردە نە بولادى?" – دەيدٸ قالالىق مەسليحات دەپۋتاتى سەرگەي پونومارەۆ.
جاڭا قوجايىن ٶزەننٸڭ بەكٸتٸلگەن ۋچاسكەسٸن اباتتاندىرۋ جۇمىستارىن ەشقانداي رۇقساتسىز جٷرگٸزگەن. وقيعا جۇرتشىلىق نارازىلىعىن تۋدىرعان سوڭ, ەر ادام بەرٸن قالپىنا كەلتٸرۋگە ۋەدە بەرگەن.
"تاۋجولى ىقشاماۋدانى اۋماعىندا تۇرعىن ٷي سالىنىپ جاتقانى, يەسٸ رۇقساتسىز ٶزەن ارناسىن بۇرعانى تۋرالى سيگنال تٷسٸپ, سودان كەيٸن ۋەكٸلەتتٸ مەملەكەتتٸك ورگان ٶكٸلدەرٸ بار كوميسسييا وقيعا ورنىنا بارىپ, ساراپتاما جٷرگٸزدٸ. گەودەزيستەر يەسٸنە جەر تەلٸمدەرٸنٸڭ شەكاراسىن كٶرسەتتٸ. گاسك ٶكٸلدەرٸ جەر ينسپەكتسيياسى, ەكولوگييا دەپارتامەنتٸ بولدى. وسىدان كەيٸن بارلىق ماتەريال شارا قولدانۋ ٷشٸن ۋەكٸلەتتٸ مەملەكەتتٸك ورگانعا جولداندى".
ەندٸ ٷي يەسٸنٸڭ جەر تەلٸمٸ قۇجاتتارى قايتا قارالىپ, زاڭبۇزۋشىعا ٸرٸ كٶلەمدە ايىپپۇل سالىنادى - دەيدٸ تەلەارنا جۋرناليسٸ.
